CovBoy

HOZAN SERHAT

Hewlêr
Hewlêr lorîka dayîkan
Hewlêr qîrîna zarokan
Hewlêr kilê çawên bûkan
Hewlêr bi xwîna şehîdan
Te navê xwe kir berxwedan
Hewlêr Hewlêr
Agirê serhildan e qelayê berxwedan e
Hêlîna şehîdan e Hewlêr
Hêlîna Egîdan e Hewlêr

Hewlêr ji nû ve dayik bû
Hewlêr bi pêt û agir bû
Agirê dilê xortan, nav mirinê kir jîyan
Hewlêr
Agirê dilê keçan nav mirinê kir jîyan
Hewlêr

Hewlêr namîne wek caran
Wê bibe gora xayinan
Bi xwîna Helîn û Salihan
Geş dibin çîçek û sorgulan
Hewlêr Hewlêr
Agirê serhildan e qelayê berxwedan e
Helîna şehîdan e Hewlêr
Helîna Egîdan e Hewlêr

Payîz e
Payîz e ew dema çû
Ber zivistan derd giran bû
Çendîn bihar wê bihar wê derbas bû
Çendîn havîn wê derbas bûn
Agirê dilêm derman nebû

Kela şînê, derya jînê
Ez kuştim ax wê evînê

Payîz e mij û dûman
Berx ketiye sofra guran
Çendîn deman, çendîn salan
Her mane li cîh û waran
Em mane bin cîh û waran

Kela şînê, derya jînê
Ez kuştim ax wê evînê

Şêr e
Şêr e, Şêr e, Şêr e...
Çi jin e yan çi mêr e
Çûye nav bajêr e
Evîna min jê re
Mêr e...
Ew bûye Şoreşger e

Mêr e, Mêr e, Mêr e...
Di dest de tewr û bêr e
Çûye gundê jêr e
Kama dilê min bi wê re
Mêr e...
Ew hemî Şoreşger e

Ew doza Kurdistan
Qet nîne rawestan
Welatê serbestan
Ji jor we heta jêr e

Şêr e, Şêr e, Şêr e...
Çi jin e yan çi mêr e

Ser banîka
Keçik dîbûm li banîka
Xezal dîbûm li banîka
Enya gewher, enya zirav
Tunçkê enyê bin şewqê ra
De bila bîra te were
Çawa ez û tu l’ser banîka
Em dilîstin ser xanîka

Derd û kulê me giran e
Welatê me bin destan e
Heta azadiyê em nebînin
Li xwe nakin kincê bûk zavan e
De bila bîra te were
Çawa ez û tu l’ser banîka
Em dilîstin ser xanîka






DİYAR....

Heval heval
Tari bu ezman roj xuya nayê
Kul û xemê min civiyan sebra min nayê
Çavê min digerin dayê Mizgîn tune ye
Gotin ew jî bû stêrk bar kir ji dinyayê

Heval Heval! Hevala me
Tu sorgulêk li baxê me

Em tev rewiyên doza te
Bila bê xembi dilê te

Sekinîne lê dayê avên van çema
Weşiyan pel dayê zu ketin ji dara
Nabuhurî ev roj dayê bûye wek sala
Mizgîn bu janek dayê ket hemû dila

Bêhna te tê Heval ji van hemî gula
Denge te tê Heval ji serê çiya
Buye helbest digerî li ser zimana
Bû roj heval hilatî li şeva
Gotin û Musîk: Diyar

Welatê min
Welat çendi şêrin e
Tevde gul û nesrîn e
Axa Bav kalan e
Goriya te me welatê min

Tu şêrina li ber dila
Welatêmi welatêmi
Tu delala li ber dila
Welatêmi welatêmi

Çemê te ji avên berfa
Kaniya te ji dilên çiya
Revine xemên dila
Goriya te me welatêmi
Gotin û Musîk: Hozan Zozan

Wey Dinyayê
Ey dinyayê tu bêbext î
Te zalim anîne ser textî
Me roj nedî ti çax û wextî
Para me ma tim bindestî

Wey dinyaye, Wey dinyaye
Ar pekêtê, derd lêketê

Me ked da te gelek salan
Te em xistin paşila guran
Bi guran re kirin bira
Lê wan em xwarin gelek caran

Me got bira tu bi xêr hatî
Gur fem nakir ji biratî
Dev vekirî, diran sutî
Binêr çawa kir biratî
Gotin û Musîk: Diyar

Doza Me Namirî
Hey dijminê me yê har
Tu çi dikî barebar
Em vê dozê barnadin
Eger ezman jî bê xwar

Tu çiqas bikî hovî
Ê li me xurt dibe hevî
Ger bixwazî nexwazî
Emê azad bin li dawî

Doza me namirî
Jîn dibe li her derî
Dernayê tu carî

Hey dijminê me yê salan
Tim wiha naçe dewran
Ev car dora te ye ferman
Tu bi rindî naye iman

Bila dinê xira be
Ger welatê te nebe

Bila mirin bi xêr bê
Eger jîn azad nebe
Gotin û Musîk: Diyar
Riya Azadî
Riya em dimeşin hewar û çetin
Gelek bi rê ketin hinek ji wan ketin
Pir heval stêrk bi ruyê ezman ketin
He gelek şêr in hevi û xelat in

Ev riya jînê
Sor bûye bi xwînê
Wê ji me re bîne azadiyê

Bazên li ser latên xwedanên çiya
Xwe berdan nava deşt û geliyan
Ketin nav axa şîn bûn bi hezaran
Bûn bela serê xayin û neyaran
Helbest : Dîyar

Gula min
Yar dilêe min de girtî
Ez hêsirê şeveke lal im
Bi ser dil de dinalim
Tu di bira min de yarê yarê

Tariya şevê de çum xar
Dil buye tar u mar
Bê te nabe nabe yar
Tu di dilê min de ye yarê

Hîv tune xwiya nabe
Ditirsim îşev sibe nabe
Li ku ma ev roj dernayê
Çi buye bi vê dinyayê

Şevên reş bila herin
Rojên geş tim yên me bin
Ez û tu li ba hev bin
Heta mirinê yarê
Tu gula ber bêhna min
Tu evina dilê min
Him derd û dermanê min
Ax belayêa serê min
Gotin û Musîk: Diyar

Ditirsim dayê
Çi bû dayê çi bû çi bû
Çima jiyan ji vir rabû
Me gundekî çi şen hebû
Çima îro tev xira bî

Ev dijminê me yê hovane
Em derxistin ji gundê me
Agir berdaye malê me
Disan nuh kirin kulên me

Ditirsim dayê ez ditirsim
Li vir kesekî nenas im
Agir têkeve mala Romê
Ez ji gundê kirin kulên me

Li şun maye pîrekî bi gopal
Pişta wê xûz lê bihurîne sal
Gund wêran e kesk nîne li mal
Ew jî tenê maye bê hal
Ditirsim day ez detirim
Ditirsim li xeribiyê
Ditirsim car din te nebînim
Herdu destên te ramusim
Gotin û Musîk: Diyar

Bira Huseyîn
Di şevek lal de û reş tarî
Ta xatir ji me xwest li dû xwe hişt derî
Sal û wekt buhurîn û dem zivirî
Çerxa felekê li ser serê me gerî

Ax bira Huseyn cigera min
Tu berxê dayka min şêrê gelê min

Dibêjin rojek meha havînê
Dîsa destxwînen artêşa romê
Te hiştine di nav gola xwînê
Te kirine mêhvanê vê dinê

Rêçên te li dora çemê Munzurê
Bêhna te ji çiyayên Dersimê
Çavê min li te digerin her derê
Bê te jiyan ne xweş wek mina berê
Gotin û Musîk: Diyar

Tîna Rojê
Çavên te wek morî
De razê lorî lorî
Ev şevên reş û tarî
Roj derew e bimirî

Gurên har li hev kirin
Ev dinta reş kirin
Ar şeref ji bîr kirin
Dile me birîn kirin .

Lê nabe berxêm nabe
Roja me tari nabe
Bi tîn u şewqa wî
Bexta me ronî dibe

Ey teyrên li ezman
Pêlên avê çeman
Bigrin bibin bi xwarê

Vî dibe bê derman
Biçin her bi roja me
Bibin dilê me
Bêjin halê me
Bê wi nayê sebra me
Gotin û Musîk: Diyar

Rindeka Dersimi
Xebera asmadere asme vecero
Min u yarê sero melemamin yakero
Astere asmeni sade canê mabo
Siliya sepeliya usarê ma sero bivaro

Erê dilê le le uy delalamin
Erê dilê le le uy roalamin

Sevdamo yarê sano meqise cacimi
Ez kerde mecnun rindeka Dersimî
Welamin sanara ze nakeremi
Zindane miri poyina ze Memeali
Gorin û Musîk: Delîl Xidir

Narinê
Min ji teyran teyrik di bu
Narinê narinêe narina min
Şekirê şerinê bermaliya min
Li ezmanan xwengi bû

Narinê narinêe narina min
Şekirê şerinê bermaliya min

Zava siwarê hespê boz
Li meydanan rakir toz

Govendeki li darxinin
Buka me bi rêxînin.
Gotin û Musîk: Gelêrî

Qederê
Te dî te dî rindam te dî
Rindam li qarşî ye te bela xwe dî
Min ji vê dinê qet xêr nedî
Oy oy oy qederê
Oy oy oy qederê
Ketiya serê min qet ne derê

Va çi gund e di kortê da
Mala axê di ortê da
Çirak sor pêdikeve
Ser mala ku rindam tê da
Gotin û Musîk: Gelêrî

Esmerê
Lê lê rindê lê lê dînê
Ez helandim vê evînê
Gelek bedew u rind min dîn
Ji te xweşiktir tine li dinê

Êdi ezê ji vir herim
Çav û biryan ji kêra kilkî
Esmerê lê yarê çavreşê lê lê yarê

Ez nizanim tu çi dixwazî
Te ez kirim ta û derzî
Şev û rojan li pey te mirim
Dîsa jî tu nebîyî razî

Tu kafirî nay îmanê
Çi bikim dîsa mam bi tenê
Ji çavê min wek baranê
Ne hêstir xwîn dibare
Avaz:Yilmaz Erşahin
HelbestİYAR

Dayê welle nabe
Dayê wale nabe dayê bile nabe
Dayê serem dêşe welle xewam nayê

Dayê qeler yeke wale dudu nabe
Daye welle nabe dayê bile nabe
Daye derdê yarê ji dilêm dernaye
Daye serêm dêşe welle xewam nayê

Dayê evar bûye welle sibê nabe
Daye welle nabe dayê bile nabe
Yar xewa kûr da çima hişiyar nabe
Daye serêm dêşe welle xewam nayê
Gotin û Musîk: Gelêrî

Way lê Salê
Were Salê were Salê
Oxirsizê be berxe xirab malê
Ji xalke re gul u biherake rengîn î
Ji min evlada xwedare payizekî zor u zuhayî

De were Salê were Salê
Oxirsize be bexte xirab male
Wele ez kal nabunm van Salên
xerîbiye emre min xwarî

Were Salê de tu kulbî bikevî mala xaîn
û bêbextên ve dinyayê
Çawa destê min qutkirin ji heval û hogira
Ez bûme beniştê ser zimana wek gura
van çol û çiya bi tenê

Weyle Salê oxirsizê bê bextê xitrab malê
Wale ez kal nebun ev Salên
xeribiyê emrê min xwarî
Helbest û Muzîk: Gelêrî (Çarsincax)

Gulê Gulê
Gulê Gulê delale Gulê
Weka ava zelale Gulê
Ez heyrana bejna te Gulê
Beje tu qîza kêyî Gulê
Gulê diçe guniya Gulê
Digere li ber çiya Gulê
Ez qurbana bazina Gulê
Tu delalya gundiya Gulê

Gulê diçe sosina Gulê
Derdixîne bazina Gulê
Ez heyrana bejna te Gulê
Ketiya destê nezana Gulê
Helbest û Muzîk: Gelêrî (Serhed)

Bilbilo lo
Bilbil ser şaxê çi xweş dixwîne
Rist û helbesta ser diweşîne
Dilê bilbil bi kul û birîne
Wek min hejar e gezey dixwîne

Bilbilo lo, koçero bilbilo
Bilbilo lo xerîbo bilbilo
Bilbilo lo mehkimo bilbilo

Helbesta bilbil çi xweş ji dil tê
Axîn û nalîn ji cîgeran tê
Ew jî mîna min li zora wî tê
Hêlin xirabu xwîn ji baskan tê

Bilbilo lo, koçero bilbilo
Bilbilo lo xerîbo bilbilo
Bilbilo lo mehkûmo bilbilo

Wek min xwînî ye koçer û jar e
Li ber xirabû hêlîn û war e
Pepûk maye ew berê çare
Şûna ristê wî mexel bu mar e

Bilbilo lo, koçero bilbilo
Bilbilo lo xeribo bilbilo
Bilbilo lo mehkimo bilbilo
Helbest: Hejar
Muzîk: Hozan Diyar





CİVAN HACO:::::::

Can te çi bimin kir
Can te çi biminkir
Can te çi ji xwe kir
Te çi b’serê min kir
Te çi bi soza me kir
Can te çi biminkir
Can te çi ji xwe kir

Te ez xistime xeyala
Xeyalne kûr, ne vala
Ez ji xwe re difikirîm
Fikirne dûr, ne vala

Sebir ji min re nîne
Ez ji kerba mirî me
Xew bi çava nakeve
Hêsir ji xwere tên xwara
Gotin û Musîk: Ciwan Haco


Leyla
Şêr şêr e, mêr e yan jin e
Nîşan bi destê Leyla min e
Pola ye dil, wek hesin e
Leyla kî ye, Leyla çi ye, Leyla min e

Leyla keça Mîd û Med e
Canê xwe da di ber me de
Bijîn heçî ku can jî da
Xweş bin ji ter jar û geda

Divêm li pey te bêm ez jî
Çib’kim bi vê jîna rijî
Xwînê nerijî nabijî
Leyla bijî Leyla bijî
Gotin : Cegerxwîn
Musîk : Ciwan Haco


Ey hevala evîndar
Ey hevala evîndar evîndar
Tu jî wek min brîndar brîndar
Hene gelek wekî me
Belkî zêdetir ji me zêdetir ji me
Hene gelek wekî me wekî me
Belkî zêdetir ji me zêdetir ji me

Evîn bûn rêberê me
Çi hanîne serê me
Dûrist nakin evînê
Bê mirês dikin civînê

Çiya bilind dibin jor
Cîhan dibit keska sor
Herdu rewşa vê jînê
Dengê saza evînê
Gotin: Cegerxwin
Musîk: Ciwan Haco


Lê dînê
Tu miraza xortan î lê dînê
Lêlê dînê lê dînê tew dînê
Gerden sî û sê qor mircan lê dînê
Lêlê dînê lê dînê tew dînê

Tu ciwata xortan î lê dînê
Lêlê dînê lê dînê tew dînê
Destê wxe bide destê min lê dînê
Lêlê dînê lê dînê tew dînê
Gotin û Musîk: Gelêrî


Sira Sibê
Sira sibê li bab û dara hewrê Veciniqî û hişyar bû
Tevziyek da xwe tevziyek kûr û rahişt
Bilûre danî ser diranê
Ji sedsaliyên dûr û ji kezeba kûr sitira

Kaniya bin dara hewrê
Bi dengê bilurê re nehwirand
Hêstir werwirand melûl melûl
Dilê heyvaji kovanên xwere
Kerî bi kerî kezext û dirand

Bilbilek firî ji hêlîne
Çu danî li gulya gulê
Xonçeyan mijand ji pêsîra xwe
Berda dilê wan ji xuriyê
Dilop dilop niqutî û xurî
Niqut niqut nýzilî û xurî

Di dilopa paþî de sefeq beyan bû
Ji bilûrê his birî kanî xayiþ ket
Li bine kema gulê bilbil ji can bû
Jînek nû dest pêkir bi sira sibe
Şefeq zelal xuza xuyan bûn
Gotin: Rojen BARNAS
Musîk: Ciwan Heco


Na na
Nebêje min ez nikarim
Werim ez cem te
Şeva tarî ez dinalim
Meme li hêviya te

Ez dimrim, ez sax dimam
Ji bona xatirê te
Na na, keçê na
Bes e ji derdê te

Ez bi tenê, li min sar e
Li hêviya te me
Şev tarî ye, ewr û mij e
Ne xema te ye

Ez rihêlîm, dilê min lê da
Ji bona xatirê te
Na na, keçê na
Bes e ji derdê te
Ez dimrim, ez sax dimam
Ji bona xatirê te
Na na, keçê na
Bes e ji derdê te

Ez rihêlîm, dilê min lê da
Ji bona xatirê te
Na na, keçê na
Bes e ji derdê te
Gotin û Muzîk: Ciwan Haco

Sê sê
Da min, da min, da min
Cotê memikan wê da min
Ketime ser sinê wê
Ketime xêra Xwedê da

Sê sê sisê
Sê sê sisê
Hê hê hê hêy
Hê hê hê hêy

Ba kir ban kir ban kir
Got hele hele tu were
Bi qedrê rebê xwe bike
Ji kesî re behs meke

Rûnê rûnê rûnê
Di rex min da wer tu rûnê
Bi çavan li min mêyzîne
Min bixwe û bihelîne

Sê sê sisê
Sê sê sisê
Sê sê sisê
Sê sê sisê
Gotin û Muzîk: Ciwan Haco

Ax û eman
Ax û eman
Êş û derdê vê dinyayê
Çendî ez kuştim
Çendî ez kirime vê belayê

Çi dinyake pûç û vala
Ax eman, eman eman

Brîndar kirim
Ez pîr kirim vê zeriyê
Hişê min dibir
Gava ew çû wê bêriyê

Ne silavek ne dinêrî
Ax eman, eman eman

Evîndar im
Dîtina te ji min re keder e
Hêvîdar im
Dilê min tu bibî ji xwe re

Bêje were derman ji te re
Ax eman, eman eman
Gotin: Ciwan haco
Muzîk: Gelêrî

Pero
Nizanim çima ji min hez dikî
Çiyê min heye te şa dikî
Ji vî dilê tirsonek yar
Çi hêviyê texmîn dikî

Ew çavên min î girs û bedew
Gelek caran şikestî ne
Ew dilê ku tu dixwazî
Ji singa min derxistine

Ka binêre li çavê min
Mêranî tê de kuştine
Newestîne wan çavên xwe
û dilê xwe nexapîne
Ez nikarim ji te hez bikim

Ma tu halê min nabîne
Rêka min dûr û dirêj e
Ne min ne xwe nexapîne
Gotin : Hekîm Sefkan
Muzîk : Ciwan Haco

Kezîzer
Kezîzer û kezîzer
Xulam memikê gilover

Kezîzerên min çar in
Er çar bi dost û yar in
Weka tava biharê
Awirê wan dijwar in

Girêda li bejnê kember
Li ser wî kirasê sor û zer

Hawar sed car hawar
Ji derdê van dost û yaran
Aşiqê kezîzerê
Gotin û Muzîk: Ciwan Haco

Hez dikim
Ji te hez dikim
Ji te hez dikim

Weleh bîleh ji te hez dikim
Ez bêheval im
Ez bi tenê me li vê dinyayê

Lê wexta ez te dibînim
Kêfxweş im, serxweş im

Ji te hez dikim
Ji te hez dikim
Gotin û Muzîk: Ciwan Haco

Feqîro
Careke din min
Bêriya te kiriye
Careke din min
Bêriya dengê te kiriye
û careke din min
Bêriya te kiriye

Feqîro lo lo, belengazo lo lo
Ay ay ay ay.....

Lê stêrê, stêra min
Lê gulê, gulşîrîna min
Ay delala min, delala min
Gotin û Muzîk: Ciwan Haco

Xweş e
Were lê were lê
Were were qurban were
Were were dilê min were

Were were çavreş were
Ev çend sala li hêviya te
û ez li hêviya dîtina te
Gotin û Muzîk: Ciwan Haco

Xeyal
Sal diçin navegerin
Emrê xwe li ser te kirim
Nehêle ez pîr bibi
Li nav wan destên te

Kenê te ji bîr nabe
Lêvên te mustehîl in
Porê te, oh xemgîn in
Weka şeva tarî nin

Ez dimirim
Ez dişewitim
Dibim xwelî
Di nav cixara te da
Gotin û Muzîk: Ciwan Haco

Pere
Pere pere pere
Şîrîn û zêrê zer e
Pere pere pere

Însan hemu bi te re
Ne halo ye ez bêjim
Ne ker û gêj im
Lê bêjim nebêjim
însan hemu bi te ra

Çima wilo şîrîn î
Dinya te dibînî
Lê tu heyî û tu nîn î
însan hemu bi te re

Te yara min ji min stend
Te bir û nevegerand
Lê tu wilo şîrîn î
Dinya hemû bi te re
Gotin û Muzîk: Ciwan Haco

Seyro
Seyranê wayê wayê
Seyranê hayê hayê
Gava Seyro dibînim
Gava Seyro nabînim

Gava Seyro dibînim
Mala min xerab dike
Gava Seyro nabînim
Mala min ava dike

Şevreş e va êvar e
Were pepûkê were
Wey Seyro
Gotin û Muzîk: Ciwan Haco

Lêv
Lêvşîrîna min
Çavreşa min
Nayê ba min
Ew delala min

Min ser bire ser xaç
Min jê stend sed maç
Ji min veda awir
Got tu bûyî gawir
Wê ez kirim evdal
Xwîn ji dilê min bû rêz
Zor wê da girî
Ji xwe re kuştim bêhtir

Gava maç da min
Ji wan lêvên qelew
Mala min xerab kir
Wê keçka delal
Gotin û Muzîk: Ciwan Haco

Serxweş
Aşiqê te aşiqê çavên te
Miriyê te me, ez ji bo te me
Were qurban were were
Ax tu were were
Were heyran were were
Were zalim were
Aşiqê te me heyran
Aşiqê te me qurban
Were qurban were were
Berî ez bimirim carekî tu were

Nayê bîra te şeva li mala te
Serxweşê te bûm
Qedeh li ber te bû
Çavên te li nav çavên min bûn
Awirên te ne ji dilê te bûn
Ji bona xatirê te
Nemam li cem te
Dûr ketim ji bo te
Digiriyam li ser te
Gotin û Muzîk: Ciwan Haco

Qamişlo
Xweziya yarê tu ya min mana
Yara xwe min rizgar kiribana
Em li Deşta Qamişlo bana
Hingî wê dinya ya me bana

Yarê hêsran mebarîne
Nebêje min kuro ev xewn e
Rastî ev e li ber çavan e

Yarê yarê yara minê
Ez te nadim bi malê dinê
Gotin û Muzîk: Ciwan Haco


Bese dinale welat
Bese dinale welat, ji van kul û derdan
Refe keçê te rabûn, ji çîya û deştan

Axa Kurdistan welat, şên û şirîn e
Ji bo Kurdistan emê xwînê birjînin

Serê xwe rakir welat, karker û cotkar
Ewê derinin dijmin, ji axa Kurdistan

Em ji gelê xwe welat, em bi hevî ne
Emê mafê xwe bi lez, bi zor bistînin

Bese dinale welat, ji van kul û derdan
Refê xortê tev rabun, ji çîyan û deştan

Kezîzera min
Nav bexçan rê heye kezî zera min
Îşev civatê meye çav xezala min
Têr nebûm ji vê keserê çavreşa min
Kesera mêrê berê çav xezala min

Ber perdê derkeve çav reşa min
Belkî çav bi te bikevê çav xezala min
Bihna aşqê ji te tê kezî zera min
Bihna sêva ji te tê çav xezala min
Gotin û Muzîk: Ciwan Haco

Maçek
Maçekê tu bi min bidî
Hey tu dosta min
Derdê dilêm derman dikî
Hey tu gula min
Çi bikim ji gul gul sebir gul
Heyran gul qurban gul
Gul gula min, şêrîna min
Delala min

Sed kul di dil de kirin
Hey tu dosta min
Can û ceger tev xwîn kirin
Hey tu gula min

Çi bikim ji gul gul sebir gul
Heyran gul qurban gul
Gul gula min, şêrîna min
Delala min
Gotin û Muzîk: Ciwan Haco

Qamişlo
Bi dengê xewnê te şiyar dikim
Bi lêvên tirsê te maç dikim
Bi singa agir te himbêz dikim
Qamişlo dîlbera min

Di mirina evinê de em evîndar in
Xewnê min û te bi weris ve bi dar in
Kevoka spi li dor te mar in
Ez û te kevokên bi der meşext man e
Şev li me tari ye û derya talan e
Qeyka me şikestiye û qerax winda ne

Ka destê xwe bide min
Da hêvi pêl bide
Roj li ser geya
Disa rewşen bide
Ka destê xwe da kehnî din bibe
Qamişlo dîlbera min
Gotin: Osman hemo
Muzik: Hawal Haco

Were were
Were were were were
Te ez helandim keçkê ji xwere
Ev çend salan ez li heviya te me
Ez li hêviya dîtina te me

Ez dinalim bê heval im
Ez dinalim bo maçekî
Dil bijê dêmên te ma
Rû sipî sor û zer e

Ey hevalê çav xezalê
Ax û ahîn û sed hewar
Min bi sed lav û qêrinê
Dest gihande zînga wê

Aşiqê wan çavên te me
Aşiqê wan lêvên te me
Aferîn sed aferîn
Maçek da min çiqas xwes e
Gotin û Muzîk: Gelêri
Berhevkar : Ciwan Haco

Zingil
Zinge zinga zingilê min vaye dîsa deng veda
Va ye dîsa deng veda va ye dîsa deng veda
Dengê doza welatê min dinya girt û berneda
Dinya girt û berneda dinya girt û berneda

Peyman soza mêran e geş dikin buhara me
Xebata qîz û lawan e Newroz û Adara me

Nîşana yekbûna meye Newroza kurdên keleş
Bi yekbûna van gula ye ev buhara xweş û geş

Zinge zinga zingilê min xweş hawar û gazi ye
Xweş hawar û gazi ye xweş hawar û gazi ye
Awaza vê zinge-zingê ji ferhenga Qazî ye
Helbest: Sebrî Botanî
Muzîk: Ciwan Haco


Welat
Welat welat kawa mirovayetî
Law û latî sitûnrawî le meywisî hêjmiyunû
Le nav şalawî grû lav û ma wî sirixwûna
Çontika ey baran dibarî waha marg divêt xwarê
Welat welat ka mirovayetî

Hava çetnarê kêman bû wa birêşê we kuidan
Ew car ez destê faşîstan ganî hezara mirovan
La Helebçe didom soza
La Helebçe didom soza
Welat welat ka mirovayetî
Ka destê neteweyeti wa asîmanî warê

Xwekanî bajar kurduwî mal de te pê wî xwe betî
Ka destê şeref wîjdan
Ba çarey ez zarî zan

Jin û peya û zarokanî lê pê nasnameyî kurdistan
Welat welat ka mirovayetî
Ka destê neteweyetî wa asîmanî warî
Muzîk: Ciwan Haco

Te zû têderanî
Hate ber derî
Min lê nenêrî
Lê gava ew çû
Min dil daye dû

Ka ew çavên reş
Ka ew dêmên geş
Ka ew bîna xweş
Ka ew reng û rû

Yara min bakir
Ey bilbilê dîn
Li ser çi digrî
Qêrîn û nalîn

Yara te wa ye
Li ber çava ye
Ev deşt û çiya
Tev xweş kir bi bîn

Bilbil tu zanî
Gelo ez kime?
Tu tim serbest î
Lê ez girtî me

Bê lîs û hêlîn
Bê ol û bê dîn
Ez im Cegerxwîn
Xortê Kurdî me
Helbest : Cegerxwîn
Muzîk : Ciwan Haco

Kurd in serbilind in
Kurd in serbilind in naxwazin bindestî
Em azadîxwaz in, divên tim serbestî
Êdî em hestan, nîne rawestan
Xencer bi destan bigrin Kurdistan

Kurdistana me ye li bin destê dijmin
Bi riz û rêzanî divê ku em derxin
Êriş êriş ey gelê Kurdan
Divê em bigrin bi zor Kurdistan

Gelek xweş û rind e pak û serbilind e
Tev bajar û gund e gelek dewlemend e
Dijmin pê da ser divên derxin der
Bigrin em tola Kurd û Kurdistan

Kurd şêr e li dijmin zencîr li mil pêçan
Gernas û mêrxas e lê teng bûye meydan
Zencîra bişkên derkevin meydan
Bigrin em tola Kurd û Kurdistan
Helbest : Cegerxwîn
Muzîk : Ciwan Haco

Em Kurd in Kurd in
Em Kurd in Kurd in em serbilind in
Çend hezar sal e bindestê dijmin
Lê hê em mêr in, lê hê em şêr in
Ma ne bes e ko em şiyarbin
Bi destê hev bigrin em herin dijmin
Xwîna şehîdan li erdê nehêlin

Em Kurd in Kurd in em serbilind in
Tucar ji bîr nekin ko em Kurd in
Çiqas bibînin zilm û zorê

Hawar e hawar e
Hawar e hawar e birano hawar e
Kurdistan rizgarkin j’bindestên neyar e
Lay lay, lay lay, lay lay.......

Kurdistan ay welat, roja te va ye hat
Va hene xortên baş, dikin ceng û şer e
Hawar e hawar e birano hawar e
Kurdistan rizgarkin j’bindestên neyar e
Lay lay, lay lay, lay lay.......

Dijminê me yê mezin, nizane ko em hene
Hev bigrin mêr û jin, Kurd hêsîr û jar e
Hawar e hawar e birano hawar e
Kurdistan rizgarkin j’bindestên neyar e
Lay lay, lay lay, lay lay.......

Navêm jiyan bê Kurdistan
Bo çi dijîm ez
Navêm jiyan ez
Bê Kurdistan im ez
Ax... ax….ax

Bo çi dijîm li vê cîhan
Bo çi dikim kêf û seyran
Bo çi ev şahî û dîlan
Bo çi dijîm ez
Navêm jiyan ez
Bê Kurdistan im ez
Ax... ax….ax

Ew welatê minî rengîn
Dinale ji êş û birîn
Bang dike bi gazî û girîn
Bo çi dijîm ez
Navêm jiyan ez
Bê Kurdistan im ez
Ax... ax….ax

Dijmin dikuje bi roj û şev
Êrîş dikin bi xavên qirêj
Lê nav welat derd û bihişt
Bo çi dijîm ez
Navêm jiyan ez
Bê Kurdistan im ez
Ax... ax….ax

Kurdistana Kurdan
Kurdistana xweş î, Kurdistan Kurdistan
Ma kî te difroşî, Kurdistan Kurdistan
Pir şêrîn û rind î, Kurdistan Kurdistan
Tev bajar û gund î, Kurdistana Kurdan

Eger wusa mest bibî, Kurdistan Kurdistan
Hejar û bindest bî, Kurdistan Kurdistan
Her tu hin hin bibî, Kurdistan Kurdistan
Berdestê dijmin bî, Kurdistana Kurdan

Divê tev bira bin, Kurdistan Kurdistan
Weke mêra bin, Kurdistan Kurdistan
Destê hevdu bigrin, Kurdistan Kurdistan
Bi mêranî bimrin Kurdistana Kurdan

Em aştîxwaz in, Kurdistan Kurdistan
Bi şev û ro ranazin, Kurdistan Kurdistan
Dijminê koledar Kurdistan Kurdistan
Bijî her Kurdistan

GÖLİSTAN PERVER

Sînanê Kirîv
Were lo Sînano lo.. Kirîva te me lo..
Sînan dorê çipinyê wêran bişewite lo lo lo ber avê ye lo..
Belê vê sibêkê Sînanê kirîv lê kehêle suwar bûye, kihêlê tîne lo lo lo ser avê ye lo
Ezê rabim tasa xwe li ava zelal xînim bidim destê Sînanê kirîv
Ezê bêjîm kirivo qurban, tu yê vexwe ji destê lo... min Sakîneyê lo..
Sînan qurban ez dibejim ez pîr dibim lo, dil pîr nabe lolo..
Wele koka dara çipînya şewitî lo lo kevnar nabe lo lo..
Heyran çi bikim Xwedê bişewitine mala kirivantiyê
Wele şûşa dilêmin şikestîye lo lo cebar nabe lo lo..
De wêran bimîne mala felekê, dibejin zewaca kirîva li hev nabe lo lo..
Sînan qurban dora çemê çam e lo... pûng û şurt e lo...
Belê qirş u heft qalên di ber hatin lo... bûn lê mişt e lo lo..
Erê Sakîneya bêmamo bûye masîyek sipî ji masîyên gola Hêmo
Wele bêbavên hudêdiyan tor avêtin lo.... ji xwe re girtin lo...
Were lo Sînano lo... Kirîva te me lo...
Wele şurê Şamê lo.. li pişta te me lo ...
De tuyê xema nekşîne Sakîneya bêmamo soz û qirarê dide
Ger ez bimrim ji axa sarra ger ez bimînim lo … wez ya te me lo...

Lo berde
Şevek di nîvê şevê da lo di giraniya xewê da
Destê xwe da destê min lo bin roniya heyvê da
De berde de berde
Lawo destê min berde
Evînî bi kul û derd e
Lawiko destê min berde
Evînî bi kul û derd e
Lo lawo destê min berde

Te min didî li hewzê gulan, sibê, nîvro û êvaran
Dest avête gerdenê lo, xişîn kete guharan
De berde de berde
Lawo destê min berde
Evînî bi kul û derd e
Lawiko destê min berde
Evînî bi kul û derd e
Lo lawo destê min berde

Tucara te ji bîr nakim lo ser te re kesî nakim
Ger sed sal jî derbasbî lo, soza xwe xera nakim
De berde de berde
Lawo destê min berde
Evînî bi kul û derd e
Lawiko destê min berde
Evînî bi kul û derd e
Lo lawo destê min berde

JAN AXİN
Evîna bextewar tune ye
Êdî wext dereng e, ji bo hînbûna jînê
Bila dilê me biîskin, di şevreşê de
Ji bo biçuktirîn stranek, kambaxî divê
Ji bo her riçifa dil, axînek divê
Ji bo tingîneke gîtarê, îske îskek divê
Evîna bextewar tune ye

Evîn tune ye ku, ji janê nehatibe
Evîn tune ye ku, dil de birîn veneke
Evîn tune ye ku, ru neçilmisîne
Evin tune ye ku, ji girî nehatibe
û tevî te ji evîna welêt
Evîna bextewar tune ye
Lê ev evîna min û te ye

Cana min, xezala min, birîna dilê min
Ez te di dil de disitirînim, mîna çûkeke baskşikestî
Li me dinêrin û diçin, bêyî ku tiştekî zanibin
Dubare dikin li pey min, rîsiyê minê hûnandî
Ewên ku hazir in bimrin, ji bo çavên te yên reşbelek
Evîna bextewar tune ye

Tu tiştê mirov lê nayê, ne xwurtîya wî, ne qelsîya wî
û gava ku bi hêvî hembêza xwe vedike sîya wî ya xaçekî ye
Gava ku bi hêvî dilgeşîya xwe diqîre wê dieciqîne
Jîyana wî jê bîyanî û êşeke bênav e
Jîyana wî dişibe wan leşkerên bêçek
Ku ji bo qedere din xwe girê dane
Hişyarbuna sibehê dê bi kêrî çîyê wan bê
Ewên ku êvarî çek ji dest tên girtin
Hêstirê xwe bigre ez bi gori û bêje
Evîna bextewar tune ye
Helbest: Louîs Aragon
Werger: Cemîl Denlî
Muzîk: Jan Axîn

Ditirsim yar
Carna yarê
Navê mirov jî lê dibe bar
Li serî dibe bela
Navê mirov jî lê dibe bar
Hingê çûyîn divê çuyin ax
Ditirsim yar, ditirsim yar
Yar ez diherim yar
Bi xatirê te

Bi sitranan re bûm heval
Ketim nav helbestan
û digirîm jî gava tu têyî bîra min
Ditirsim yar, ditirsim yar
Yar ez diherim yar
Bi xatirê te

Bila canê
Jiyîn li min asê nebûya
Roj neçûya ava
Jiyîn li min asê nebuya
Kengê çûyîn divêm çuyîn ax
Ditirsim yar, ditirsim yar
Yar ez diherim yar
Bi xatirê te
Gotin: Îbrahîm Seydo
Muzîk: Jan Axîn

Bajar
Te got ez dê herim welatekî din zeryayeke din
Helbet ji vîya çêtir wê bê dîtin bajarekî din
Qey qeder e wî...
Dest diavêjim çi bi pêsîra min ve dizeliqe
Û tê bêjî qey meyîtekî veşarte ye dilê min

Li ev bajarê beyar, wê hê pir bimîne hişê min
Ruyê xwe çawa diguhêrim li kuderê dinihêrim
Derdikevin pêşberî min xopanên reş
yên jîyana min
Salên xwe malmîrat kirin
min belasebeb kambax kir

Tu ê welaten din nebînî, wekî din zeryayan
tu ê nebînî
Û dev ji te bernade ev bajar, li eynî kuçeyan
tu ê bigerî. Li eynî taxan tu ê pîr bibî
Li eynî malan tu ê por sipî bikî
Cihê tu ê herî û lê vegerî ev bajar e
Yekî din hêvî neke
Tu keştî, tu rê nînin ji te re
Li van quncikên biçûk
li van deran tu xwe malxerab bikî
Li hemû deverên cîhanê tu ê malxerab bimînî
Helbest: Konstatînos Kawafîs
Werger: Rênas Jîyan
Muzîk: Jan Axîn

Sinem
Lê sînemê
Çav mizgînê
Fistan şînê
Bejn şêrinê
Sînêm, sînêm sînemê
Sînema min

Barê dilan
Dam ser milan
Sînem tu yî
Rewşa gulan
Sînêm, sînêm sînemê
Sînema min

Jê re vekir
Derd û kulan
Got e lawo
Nakim dilan
Sînêm, sînêm sînemê
Sînemê
Gotin : Jan Axîn
Musîk : Jan Axîn

Kul û kulîlk
Ger ez ba bum a
Min ê porê te bialasta
Ger baran bum a
Min ê xwe li nav çavê te bixista
Îcar jî ji vê kulê nemrim
Ji bilî kulîlkan
Careke din hew hez dikim

Xezalên tî avê vedixwun
Ji golên çavên te
Çukên baskokirî
dilûsin li ser milên te
Meşka xwînê ye ev dilê te
Hevîrtirşê êvara ye kilê te
Îcar jî ji vê kulê nemrim
Ji bilî kulîlkan
Careke din hew hez dikim
Gotin: Rênas Jîyan
Muzîk: Jan Axîn

Delal
Ku dil dîlber be lê xwe dîlber kî ye
Eger dîlber dil be, lê navê dil çî ye
Ez dil û dîlber tev lî hev dibînim
Nizanim ku dil kî û dîlber kî ye

Delal herdu çavê min qesrên te ne
Nav herdu çavê min çîhê pîyên te ne
Ditirsim tu bi xafil gav biavêjî
Û bi mijangên min biêşin pîyên te
Helbest : Baba Tahirê Uryan
Muzîk : Jan Axîn

Kerîm lawo çeqilmast
Kerîm lawo çeqilmast
Min meyan û nebû mast
Kuçikê mexmer alast
Bû koçerkê bi rast
Kerîm lawo çeqilmast

Ez çûme Şam û Heleb
Anin sê bizinê celeb
Yekê kor û yekê pîr
A dinê bizina tiştîr
Bûm hemberê mala mîr
Helbest: Baba Tahirê Uryan
Muzîk: Jan Axîn

Siwaro bajo
Bajo, siwaro bajo
Ku da dibe bila bibe
Sekin min dikuje
Li her qonaxê min gulek
Li her gulê min dilek
Li her dilê min kulek
An jî mirinek divê
Bajo, siwaro bajo
Ku da dibe bila bibe
Sekin min dikuje

Wergera hestan çawa bikim
Narîncokê mehîyan ji hêsiran
Evîn ketin bextê çîtikan
De bajo siwaro şev digirîn
De heeey siwaro
Di girîyê şevan de dinalim
Di nalîne de diqêrim
Di qêrînê da dil didim
Di dildayînê de dimrim
Bajo, siwaro bajo
Ku da dibe bila bibe
Sekin min dikuje
Gotin : Jan Axîn
Muzîk : Jan Axîn

Keçikê bimeş
Keçikê bimeş bimeş
Xulama wan çavê reş
Delalê bimeş bimeş
Xulama wî kenê xweş
Ramusanekê bide min
Tê bêje min sehet xweş

Min bang kir wê xweşkokê
Şêrînê şemamokê
Fîstanê wê dirêj e
Encax digihê ser çokê
Digihê ser kambokê
Encax digihê ser çokê
Ji wê de hatîye Heleb’ ê
Heta bigihê Qamîşlokê
Gotin û Muzîk: Miradko

Xeydoka bajêr
Xeydoka bajêr were
Agir dişewite di çavê min de
Min jîna xwe da te dest ne da
Di hemu hêvîyê xwe da têk çum
Lê çavên te jî nînin
Di hemu şerê xwe da têk çum
Lê destê te jî nînin
Şilfî tazîme, şerpezeme
Bes ne xem e, tu vegere

Xeydoka bajêr vegere
Hêsir difetisin di çavê min de
Min jîna xwe da te dest ne da
Gotin: Jan Axîn û Îbrahîm Seydo
Muzîk: Jan Axîn


- Rotînda -
Zîlan
Herin ji serê heft çiyan kulîlkên heft rengîn bînin
Wan kulîlkan li der û dora serê Zîlana min bigerînin
Bînin bi wan kulîlkan Zîlana min bi hef nexşan bixemlînin.

Wer bikin ku Zîlana min nexeydînin
Ew delale, rêhevale

Lê lê dayê mij dagirtîye her derê
Lê lê dayê çav çavan nabîne
Lê lê dayê ên ku wenda dibe
Mirovahiye hedî hedî
Pêtî pêtî ji me kêm dibe
Çima, bêdengin hîna?

Ma me soz dabu wan şehîdan
Li ser agir û li ber rojê
Carna mirin pîroze bi qasê jiyan
Wekî rêheval Zîlan.
Gotin û Muzîk: Rotînda

Meso dûr
Serva tora buti
Mi ye xo kerdo kêm
Ju yo di bom wazena
Meso dur meso
Serva tora buti
Mi yo xo kerdo kêm
Ju yo di bom wazena
Ezo hîta derro

Ooo paye ki na dana xo
Ooo çi vesayiye

Qesey ke tu vanena
Tê de kemer vorena
Rastiye de senena
Kam mire bivano
Ça honde xo deznena
Tew tew mire çi derdo
Gotin û Muzîk: Quto û Erdal

Avaşîn
Şev tarî lê tu diçirusî
Wek heyva çarde şevî
Pir sînî pir zelalî
Hevalê meyî tu Avaşîn
Te kî dî kî nedî Avaşîn
Te pir merxas û Egît nasî
Ser singa Zagros diherikî
Wekî xwînî ji axamere
Rê bide Avasîn rê bide
Ney xezebê li hember wan
Ew hevalin wekî te zelalin
Himezke wan bi pêlên xwe.
Gotin û Muzîk: Rotînda

Bihişt
Dol û newal dema havîne
Zozan buharin
Serê çiyan tim bi berfe
Tîpî û bagere
Çar demsal jiyan dike
Kurdistan bihişte

Qelinê te xwîna şehîdane
Tu evîna rojê, sebra dilê urdayî
Bihiştekî axa te nadim hemû dinê
Xeml û rewşa te çi xweşe Kurdistanê

Kul û hêsan re hewa welatê min
Wekê dermane
Bê emsale avên rubaran
Çem û kahniyan
Xweza dewlemede
Çîçek bi heft rengin.
Gotin û Muzîk: Rotînda

Tu were
Dinêrim duriyan
Li kûriyan, li deriyan
Deregiyan şevan,dengekê were
Gohdar dikim wekê dînan
Were kezîzera min
De were tu were gel min.
Were were were
Tu were gel min

Tu were gel min zivistan bibe buhar
Tu were gel min xweza bixemle bi heft rengan
Tu were gel min wê roj ji nuva derkeve

Tu were gel min dert keder kul namîne
Tu were gel min temenê min bi be ciwan
Tu were gel min ezê bifirim ji şabûna
Were gel min kezî zera min

Tu were gel min erd û asîman bigê hevdu
Tu were gel min xiyal dakevin jiyanê
Tu were gel min avên behra şîn bibe
Gotin û Muzîk: Rotînda

Benda te me
Çavê min diçin cîhekê dûr
Dilê min digere li wandera hur hur
Nikarim bisekinim
Diçim melûl melûl
Benda te me dewere

Benda te me
Li benda te me dewere
Tu gula çiyan
Tu sebra dilan
Heviya gelê min
Sosina şoreşê
Benda te me
Xem nine bimirim jî
Bo evîna te.

Sebra min bi tenê li çiyan tê
Tu heyî li her dol û newal,
çem û rubar de
bîhna te tîne bayê
dimeşe sibe êvar
li benda te me dewere.
Gotin û Muzîk: Rotînda

Koçberî zor e
Te şikand dilê min
Dîsa nizam çima
Serê min dêhşê serê min
Min nizani bû ku
Koçberî ewqas zore
Dilê min digrî dilê min.

Ji te dûr bê navim
Lê dîsa evîndarim
Na bê te wek dîn û harim
Na nabe zore
Koçberî bi jane

Ez mam li paş heft çiyan
Bi hesreta te me
Dilê min digrî dilê min
Tu tim li ber çavê minî
Dixwazim werim cem te
Dilê min digrî dilê min.

Qêrîn
Qêrînek ji dûr
Hat gohê min
Min go belkî kezeba min
Qetan ji kûrve

Dizanim
Veqetin zore
Bi jane wek birîna şûr.

Hesreta dilan
Kû dide çavan
Zore zore zore…

Heywax mala min
Rabin ji pêşiya min
Ezê bajom dozê
Hildim tola wî
Berxa min
Ji êvara xwedê da
Agir dadan li ser singa min
Berxa min
Mêvanê şeva dawî
rewiyê jiyana bê mirin.
Gotin û Muzîk: Rotînda

Çarçêla
Dimeşî dimeşî naqedin çiya
Pir bilindin Zagros bi qasê xweda
Kurêjehro, Govendê, Cîlo û Çarçêla
Sê perçê Kurdistan digêhêjin hev livra
Ne Iskender, ne Timur, ne Erep ne Fars
Dest hildarî nestandin li ser van çiyan
Her kû serê gelê Kurd ketî tengasî
Hilkişiyan Zagrosan ji bo azadî

Konaxa şervananî tu Çarçêla
Nav girê Zagrosta a herî delalî
Çîroka Çarçêla pir bi jane
Çarçêla wek çarperçê Kurdistane
Çar demsal Çarçêla bi berf dixemile
Bihişta Zagrosa tu yî Çarçêla

Zagros cîhê zayiya mirovahiyê ye
Piroze livir jiyan, pir kevne dîrok
Rengîne xweza livir, bi xemlin zinar
16 hezar çîçek dijên li ser Zagrosan
Gotin û Muzîk: Rotînda

Gimgim
Wekî baxçê gula bi cîh buye
Di navbera çemê Sus û ava Xoşan de
Kanya sar girê Sedo, Goşkarbaba
Sê golê germikê li binya wê ye
Gimgime, Warêtoye

Inaq û Xirbaqup
Ziring û Alingoz
Dadînan û Xoşan
Golabêbinî pir kûre
Gimgime…
Kimsoryan û Dêrik
Badan û Baskan
Tatan û Anêr
Cîbran û Xormekan
Gimgime Warêtoye

Çiyayê hezargolê li pişta wê ye
Welatparêzin tev şêniya wê
Govendê Gimgimê dewlemende
Min bîriya axa te kiriye
Gotin û Muzîk: Rotînda

Here welatê xwe
Ket nava valahî kî
Kur dirêj û reş û tarî
Çewa derkevi ji wir
Nizanim nizanim
Direvin tên ji Kurdistan
Durdikevin ji eslê xwe
Bê xwedîne li wan kuçan
Sutalin sutalin

Here welatê xwe bo ku bibî mirov
Here welatê xwe bo ku bibî azad
Here welatwe an na tu wek parsekan
Bigevizî li van deran.

Naygotin
Kerba dilê min bûye bahoz
Fikrê serê min bûnin aşît
Nikarim li ber bisekinim
Çewa bînim ziman nizanim.
Naygotin
Pir hînê te bume
Bê te wekê mirî me
Dema navê te dibihîsim
Av li çema kêmdibe
Nay gotin

Di vê dema teng da
Min hustu xwar nehêle
Tu dirêjke destê xwe
Ez şerm dikim
Bêjim ji te hesdikim
nayê gotin
Gotin û Muzîk: Rotînda


- Xelîl Xemgîn -
Ji bona her kesek yarek
Ji bona her kesek yarek heye ê min welat yar e
Belê çibkim di destê dijminê xwînxwar û xeddar e

Çiqas pesnê giran bêjim nikarim ez bidim zanîn
Çeleng û nazik û şeng û şepal û şox û cebbar e

Hezar we min di vê rê de bi van derd û kulan kuştin
Telesma ser devê xorta di sîngê min de reşmar e

Çi zanî qîmetê vê şengeşoxê dijminê bêbext
Ne wek min dil bi top û awirê yarê birîndar e

Eger çendî bi dest dijmin were yara min a şêrîn
Bi navê we ez bilind bûme giham gerdûnê seyyare

Bi wan lêvên şekerbarîn bi min da soz û peymanek
Ji min pê ve ku dil nedî kesî ew yara bêçare

Di govenda me de herkes bi dilşadî bikin dîlan
Li şûna hêstirên çavan xuşîn bên co û cobare

Ev e soza me jî pê re ku dil herdem bidim desta
Netirsim ez ji zindan û ji lêdan û ben û dare

Ev e soza min û dîlber eger bimrim di vê rê de
Ji vê dinya xweş û şêrîn Cegerxwîn jî, ne bê par e
Helbest: Cegerxwîn
Muzîk: Xelîl Xemgîn


- Xêro Abbas -
Derdê dûrî
Xem û derdê min dinyayê birin
Roj û şevê min pêt û agir in
Heval û Hogir teva barkirin
Nizanim sax in nizanim mirin
Nizanim gunhê min çibû
Hey dunya yê hey dunya yê

Tev bûne rewî, ketin ser riyan
Bûne wek teyrên, ji ref qetiyan
ez mam bê xwedî, li vê xerîbiyê
ez mame xerîb, li nav xwediyan
Nizanim gunhê min çîbû
Hey dunya yê hey dunya yê

Jiyana min bû, wek şevek tarî
Pişta min tewiya, ji bar Giranî
Hêstir ji çava, ser rû dibarî
Nebextê zemên, ku bimin dikarî
Nizanim gunhê min çîbû
Hey dunya yê hey dunya yê

Xew neket çava, dimînim şiyar
çav li riya wa, ji mir bûye kar
Havîn zivistan, nabê wa hat buhar
Xerîbî tucar ji mer nabê war
Nizanim gunhê min çîbû
Hey dunya yê hey dunya yê
Gotin û Muzîk: Xalid Zinal

Çima yarê
Çima yarê çima
Dil kirye bahra xema
Carek nadêm sozê
Her tim dibêjêm hema

Dînim gava tu dûrî
Nîvê emrêmi dibûrî
Dimrim ji ter nexema
Dimrim ji ter nexema

Wer dam biçin germavê
Nav çîmena û ber tavê
Ji zûva li benda tema
Ji zûva li benda tema

Ma gelo evîn wihaya
Hemû êş û belaya
Ti hêz diminda nema
Ti hêz diminda nema
Gotinû Muzîk: Peywan Arjîn

Evîna pêşî
Por berda wê li ser mila
Herdû çav tijî kila
Lêv sora weke gula
Lêlê lêlê lêlê
Derbasbû bilêva kenî
Kes nedît wê mi bitnê
Didilda migot tu ya minî
Lêlê lêlê lêlê

Derbasbû wek perîya
Meşek kir wek horîya
Min nasnekir ew kîya
Lêlê lêlê lêlê
Wêjî dît min lênerî
Rawesta hêdîperî
Têrnebûm ji dîtina zerî
Lêlê lêlê lêlê

Li xwe fitilî bimir kenî
Go bid pey min ez benî
Min bighê heya biderî
Lêlê lêlê lêlê
Me sozek bihevre da
Ku çênebê tu bela
Ewe bûk ez zava
Lêlê lêlê lêlê
Gotin: Husên Abbas.
Muzîk: Xêro Abbas.

Rêwî
Westîyabû ji rêka dûr
Dinalîya ji birîna kûr
Pişta xwe da dareke sitûr
Û distira û distira

Hey lêwayê li minê
Li min koçerê rîya mirinê
Li min hêsîrê destê nezanê dînê
Hey li minê !.........
Rîyê li ber min sisê û çarin
Rîya pêşî bitirse çete kozik têde vedane
Rîya diduwan diçê biber roma bê îman
Rîya sisîyan bi keleme û bikaş û newale
Hêz di çogê mide nemane
Rîya çara para mine ezê li dar û berê çîya
Bibim mêhvan heya mirinê.
Gotin û Muzîk: Hekîm Sefqan

Hatî birêve
Hatî birêvê bîhok û sêvê
Destê xwe da min ew şekir lêvê

Sînga sipî da..dabû alîyê xaç
Wekî mirîda mi çand hezar maç

Bisk didan alî ser rûkê min geş
Bihezar salê ez dimam nexweş

Ketim lehîya sor pêra diçim jor
Dar û av û çem ken li hawêrdor.
Helbest: Helîm Yûsif
Muzîk: Mustefa Kendeş

Dil şikestî
Bê evîna te li min çi sara
Çendî şikestî û dil bê wara
Çav pirsîyarî ji gul û ji dara
Ma gelo rojekê tê li min vegerê
xerîbê lê, vegera lê
wekî berê, wekî berê

Hê li bîra min hêsrê çavê ta
Gava tu çûyî te got bixatirê ta
Ez bihêvîma go bêma bîra ta
Bendewarim roja hatina ta
xerîbê lê, vegera lê
wekî berê, wekî berê

Gava ku roj herê ava
Pêra dimrê ronya tava
Çûk û bilbil vedigerin hêlînê
tu bitenê tê bîra min heyy lê şêrînê.
xerîbê lê, vegera lê
wekî berê, wekî berê
Gotin: Bextiyar Sefo
Muzîk: Xalid Zeynal

Sibe zû
Sibê zû hat ba min
Bêhna gula hate min
Dil sipî bû wek rokê
Dinya û alem bû li cem min

Sibe zû hat odê
Ruh û canêm şinda
Gava mi go tu ji kû tê
Go ez horîya xwedê da

Li bendî te mam ji mêjda
Hey kanîya jîyanê
Neçirvano qurbanêm
Hey xezala li berîyê

Sibê zû hat ba min
Bêhna gula hate min
Dil sipîbû wek rokê
Dinya û alem bû li cem min
Gotin û muzîk: Ciwan Şêxo

Sûnda min
Ka ew buhara xweş û Şêrîn
Ka ew gulên sor û rengîn
Dilêm tev bû kul û birîn
Ji xerîbîyê Hêsir digrîn

Kurdistana me jêra divê
Jêre divê, pir mal û xwîn
Ezê bidim ew dil û cerg û jîn

Ez sûnd dixum bişehîdê kurdan
Wan şehîdên ku didilde man
Ez sûn dixum bileyla hesin
Bileyla hesin û Leyla Zana
Ez sûnd dixum ku rizgarbikim
Welatê xwe kurdistan, ax...
Gotin: Feyrûşe Haco
Muzîk: Xêro Abbas

Şikrîya
Şikrîya Şikrîya
Eman neman şikrîya
Way eman neman şikrîya

Şikrîya Şikrîya
Eman neman şikrîya
Delala dilêm şikrîya
Ava serê kanîya
Eman neman şikrîya
Way ava serê kanîya
Şikrîya Şikrîya
Eman neman şikrîya
Delala dilêm şikrîya

Fîraqê ji bîr meke
Li vê dunyayê adete
Lo, vînî her adete
Şikrîya şikrîya
Eman neman şikrîya
Way eman neman şikrîya
Ava serê kanîya
Eman neman şikrîya
Delala dilêm şikrîya

Pirsa neke ez kîme
Ne mehkûm û xwînîme
Wez hêsîr û girtîme
Şikrîya şikrîya
Eman neman şikrîya
Way eman neman şikrîya
Ava serê kanîya
Eman neman şikrîya
Way ava serê kanîya.

Gerek em bihevrebana
Gerek dilê me yekbana
Dunya hingî wê ya me bana
Şikrîya şikrîya
Way eman neman şikrîya
Berfa bişev barîya
Li ser dev û lêvêm helîya
Way eman neman şikrîya
Gotin û Muzîk: Gelêrî (Qamişlo)

Serpêhatiya nisran
Roj diçû ava...
Dikişand tirejên xweyî zêrîn.
Girê mezin derbasdikir û digiha yê biçûk û awir divedan!
Car carna radiwesta li pişt xwe dimeyzand.
Hêdî hêdî xwe diveşart û dikete bextê girê tirban!
Go were Şevê... tarîke ji xwere erd û çol û ezman!
Mi go Şevê... tarîke ji xwere erd û çol û ezman!

Min jî da, rê ji dugirê, min berê xwe dida...
Nisran nisran.
Şevê bandikir... Go ho tu min nabê mêhvan.

Şev dikenî dirahişte heyvê û çend sitêrka Bisênga xweve daleqand.
Digo nexwe gelek xeman.
Piştî tarîyê wê bibê ronî wê herin ew kulên teyi giran.
Lê min dixwest ji şevê bipirsim.
Gelo wê domkê heta kengî ev dem û dewran?
Kete navbera min û şevê de.
Ewrina Reş û tarî û dest pê dikir dibû teyrok û baran.
Min bandikir şevê.
Şevê, Şevê, Şevê...
Gotin: Husên Abbas
Muzîk: Xêro Abbas

alıntıdır.....

__________________