xeribo

FEVZİ KILIÇ
Dayê
Çima durim ji te dayê
Va xerîbiya dawî nayê
Bi hesreta welatê xwe
Dikim nakim sebra min nayê

Lêlê dayê lêlê dayê
Dirêj bûn şev sube nayê
Tirsim bimrim te nebînim
Va xerîbya dawî nayê

Xwedîkirim şîr mijandim
Şev û rojan te ez hecandim
Rojek çê te nedît li dunê
Herdem hêsir te rijandin

Vê xerîbiyê em xapandin
Destê me ji hev û du qetandin
Bila korbe çavê xerîbiyê
Dil û cergê me helandin
Gotin û Musîk. Fevzî Kiliç


Kewê
Kewa mîna kebokî
Xew nakim şev û rokî
Ji bo kewê din bume
Birîna min merhem nakî

Ax lê kewê dijwarî
Jî cîgerê dinalî
Nalîna te min di helîne
Were em herin ji vî warî

Kewa mina ser sorî
Sîng zozana Çav morî
Were em bi destê hev bigrin
Em herin warê jorî

Kewê çima tu dinalî
Dilê te bi kul û jahrî
Hemu kewa helîn çêkir
Tu çima tenê mayî
Gotin û Musîk: Fevzî Kiliç



__________________

Evîndar
Evîndarê bejna te me
Takî rîhana li çavkaniya
Meriv bîhnke jê têrnebe
Li van deşt û van baniya

Te ez helandim ez helandim
Lê bi zerînê te ez helandim
Nav şîrînê te ez helandim
Te ez helandim ez helandim
Bejna zirav ez helandim
Çavê belek ez helandim

Evîn xweşe bi xortanî
Bi serxwebun û azadî
Ew dem xweşe evîndarî
Li zozana li Kurdistanê

Sîng û berê zerînamin
Belekiya berfa çiya
Meriv bixwe jê têrnebe
Li bilindan û li van çiya
Gotin û Musîk. Fevzî Kiliç

Te li min çikir
Te limin çikir te limin çikir
Binêr halê min te limin çikir
Dil û cergê min heliya
Min ji te hezkir te limin çikir

Dilê min hêlîna kul û xema
Kanê sozê te ji min ra da
Hiş û aqil ji serê min çu
Ez bum xwediyê kul û derda

Binêr porê min te sipîkir
Hêsir ji çavê minde rokir
Bi hesreta bejna zirav
Birîna min kure te derman nekir
Gotin û Musîk: Fevzî Kiliç


__________________

xeribo

GANİ NAR
Bi te re
Ez li ser piya me bi evîna te
Canê min bi te re, xwîna min bi te re
Min rastiya xwe dît bi agahiya te
Biryaram bi te re sozêm bi te re

Aşitî azadî tim para te ye
Stêrkên asîman tim para te ye
Roniya hîv û roj tim para te ye
Şeva min bi te re roja min bi te re

Mûsayên zehmetkêş ta Zerdeştê Kal
Ji Eyûbî bigere ji Rustemê Zal
Hemzeyê pehlewan, dengxweşê Bîlal
Muhemed bi te re, Elî bi te re (Zerdeşt bi te re)

Nava olê mezin, her çar pirtûkan
Tu sentez î yek ji nava dîrokan
Keç û xort û kal û pîr û heya zarokan
Gelê te bi te re welat bi te re
Gotin û Muzîk: Ganî Nar

Bi min nekene
Bi min nekene
Dibe ku rengê min te bide kenandin
Serekî keçel û diranên şikestî
Qermûçkên di eniyê de û destên dilerizin
Di rojekê de ciwanekî rûken bûm ez
Wisa bûm ez, ez wisa bûm
Şervanekî serê çiyan bûm ez
Di nava geliyan, li ser giran bûm ez
Min stranên azadiyê ji bo bîranînan distra
Min yariyên xwe bi zemanan re dikir
Ez bi bazan re difiriyam
Û bi zeviyên geniman re dihejiyam
Bi avên çeman re diherikîm
Bi kaniyan re diteqiyam

Ê ku dujmin dilerizand, ew çalakvan bûm ez
Xewn û hêviyên zarokan û kenên ser lêvên wan bûm ez
Lê sal derbas bûn, roj li dû hatin
Bûme pêkenokê zemanan û li kolanan razam
Lê ji bîrneke
Min xwe xelat dabû rojê
Xelateke bê dawî
Nekene û henekê xwe neke
Ji ber ku rûyekî rasiyê me
Rastiyeke ji agir
Wisa bûm ez
Lê ev roj, straneke ji bîrbûyî me ez
Gotin : Mûsa Elo
Muzîk : Ganî Nar


__________________

Birîndar im
Ez birîndar im birîna min kûr e
Hekîm û derman li min pir dûr e

Ez birîndar im birîna min yek e
Hekîmo tu bîne dermanê lêke
Ez birîndar im birînê min du ne
Hekîmo zû bike birîn disotîne

Ez birîndar im birîna min sê ne
Nalîn û qêrîn im derman li min nîne
Ez birîndar im birîna min çar e
Dermanê birîna min li destê yar e

Ez birîndar im birîna min pênc e
Tu bi desmala yarê birînêm bipêçe
Ez birîndar im birînê min şeş e
Yarê tu bi xêr hatî birîna min baş e
Gotin: Ganî Nar
Muzîk: Gelêrî (Behdînan)

Dîlan
Li gundê me dîlan e, defû zirne lê dane
Hemî rengan lêxistin roja evîndaran e
Were canê em herin rista keç û xortan e
Ax lê canê canê
Tu yî rewşa dîlanê

Ev dîlan çendî xweş e, cana min pê rûgeş e
Beji û mil hevre d’heje, kesê newê rûreş e
Ax lê canê canê
Tu yî rewşa dîlanê
Gotin: Nîzar
Muzîk: Ganî Nar
__________________


Qulingo
Wî de Qulingo çima qîrîn tê ji ezmanan
De tu çima nagerî li ser van deşt û zozanan
Ma per û baskên te şikestine
Tu jî weke min mayî di bin destên van neyaran

Wî de Qulingo ma tu êş û jana min nizanî
Li ser hesreta dilê min axîn û waxîn kûr dinalî
Ma tu nizanî serê çend û çend salan e
Wez ketime xerîbî û dûrahiyê Qulingo
Ma te jî welatê xwe terikandî
Tu jî wek min bin desta yî Qulingo loy loy
Gotin û Muzîk: Ganî Nar

Ey salên bûrî
Ez çi pêşkêş bikim bo te diyarî
Ne hest û hezkirin ne evîndarî
Dîsa dilê min de kuştin bi çavnebarî
Ez li we digerim ey rojên çûyî
Eywax dibêm bo we ey salên bûrî

Hêz di çogê min de nema, bavêjim gava
Dibêjine vê jîyan lê nizam çawa
Siba min derbasbû rojam’m çû ava
Ez li we digerim ey rojên çûyî
Eywax dibêm bo we ey salên bûrî
Gotin û Muzîk: Ganî Nar


Bejnê
Bejnê, bejnê lê bejnê, bejnê lê bejnê,
Bejnê lê bejna kê
Bejnê bejnê lê bejnê,bejnê lê
Sor qelemê le min bi gorî
Ez û bejna lê xwe bi hev ketin lê
Bejnê, bejnê lê bejna kê
Ez û bejna lê xwe bi hev ketin lê
Gelo zerîya min lê ji mala kê
Ha bi hêlanê lê bilind ketin lê
Bejnê, bejnê lê bejna kê
Ha bi hêlanê lê bilind ketin lê
Gelo zerîya min lê ji mala kê
Gelî kûrbû lê wem daketin lê
Bejnê,bejnê lê bejna kê
Gelî kûrbû lê wem daketin lê
Gelo zerîya min lê ji mala kê
Xewkam hatî lê wem raketin lê
Bejnê,bejnê lê bejna kê
Xewkam hatî lê wem raketin lê
Gelo zerîya min lê ji mala kê
Herêm : Serhed
Çavkanî : Enwer ê Xendeq a
Berhevkar : Aydin Korkmaz

Erê Nîna
Erê nîna nîna nîna nîna
Erê ez mireno tu senena
Erê hevro veciya hevro tarî
Çênê hevro veciya hevro tarî
Erê nîna nîna nîna nîna
Erê ez mireno tu senena
Erê şiliya varî şilya şanî
Çêne şiliya varî şilya şanî
Erê nîna nîna nîna nîna
Erê ez mireno tu senena
Erê payîz bêro ez sebkerî
Çênê payîz bêro ez sebkerî
Erê qeder çîno ez sebkerî
Çênê qeder çîno ez sebkerî
Erê nîna nîna nîna nîna
Erê ez mireno tu senena
Gotin û Muzîk : Gelêrî
Herêm: Serhed (Gimgim)
Çavkanî : Erdal Yilmaz


Rinda min
Agir ketiye dilê min
Xew nakeve çavê min
Çima tu ji min dur ketî
Bêje roniya çavê min
Gewra min rinda min
Çend sale li benda te me
Welle çil sale li hêvya te me
Ev çi axu nalîne
Dil şewitî berf bîne
Tu bi xatirê xwedê ke
Nebêje ewya dîne
Gewra min rinda min
Çend sale li benda te me
Welle çil sale li hêvya te me

Gotin: Beytocan
Muzîk : Anonîm
Duet :Önder Deniz


Ddengê Zerdeşt
Tu buyî dengê Zerdeşt
Kawayê Medyayî
Tu buyî resmê Manî
Baxçe yê ronahiyê
Tu buyî dengê Îsa
Çarmixa romayê
Dengê Hesen û Hüseyn
Di nav Kerbelayê
Tu buyî deng û rengê
Jiyan û azadiyê
Gel orkestra te bû
Serhildan awaze
Zilan rengê te bû
Bihar û Newroze
Mazlum dengê te bû
Agît rext û saze
Zilan çelengtir bû
Li ser monalîze
Tu buyî deng û rengê
Jiyan û azadiyê

Gotin û Muzik: Ozan Serhat



Potborî / Lo gede
Lob lo gede lo gede lob lo gede lo gede
Lob lo gede lo gede wî xwedê bela xwe bide te
Tu çima hatî mala me lob lo gede lo gede
Tu çima hatî mala me wî xwedê bela xwe bide te
Pişta xwe da sêrê me lob lo gede lo gede
Pişta xwe da sêrê me wî xwedê bela xwe bide te
Lob lo gede lo gede lob lo gede lo gede
Lob lo gede lo gede wî xwedê bela xwe bide te
Dilkê xwe xist keçka me lob lo gede lo gede
Dilkê xwe xist keçka me wî xwedê bela xwe bide te
Rabe here ji mala me lob lo gede lo gede
Rabe here ji mala me wî xwedê bela xwe bide te
Lob lo gede lo gede lob lo gede lo gede
Lob lo gede lo gede wî xwedê bela xwe bide te

Lê dînê
Lê dîn lê dîn lê dînê lê lê dînê
Lê dîn lê dîn lê dînê zalim dînê
Were em herin Mêrdînê lê lê dînê
Were em herin Mêrdînê zalim dînê
Ji tera bînim poytînê lê lê dînê
Ji tera bînim poytînê zalim dînê
Lê dîn lê dîn lê dînê lê lê dînê
Lê dîn lê dîn lê dînê zalim dînê
Qeysa nigê te bînim lê lê dînê
Qeysa nigê te bînim zalim dînê
Te ji xwera bihebinim lê lê dînê
Te ji xwera bihebinim zalim dînê
Lê dîn lê dîn lê dînê lê lê dînê
Lê dîn lê dîn lê dînê zalim dînê

Gotin û Muzîk: Gelêrî
Herêm: Serhed
Berhevkar: Gulê

xeribo

GULİSTAN

Sînanê Kirîv
Were lo Sînano lo.. Kirîva te me lo..
Sînan dorê çipinyê wêran bişewite lo lo lo ber avê ye lo..
Belê vê sibêkê Sînanê kirîv lê kehêle suwar bûye, kihêlê tîne lo lo lo ser avê ye lo
Ezê rabim tasa xwe li ava zelal xînim bidim destê Sînanê kirîv
Ezê bêjîm kirivo qurban, tu yê vexwe ji destê lo... min Sakîneyê lo..
Sînan qurban ez dibejim ez pîr dibim lo, dil pîr nabe lolo..
Wele koka dara çipînya şewitî lo lo kevnar nabe lo lo..
Heyran çi bikim Xwedê bişewitine mala kirivantiyê
Wele şûşa dilêmin şikestîye lo lo cebar nabe lo lo..
De wêran bimîne mala felekê, dibejin zewaca kirîva li hev nabe lo lo..
Sînan qurban dora çemê çam e lo... pûng û şurt e lo...
Belê qirş u heft qalên di ber hatin lo... bûn lê mişt e lo lo..
Erê Sakîneya bêmamo bûye masîyek sipî ji masîyên gola Hêmo
Wele bêbavên hudêdiyan tor avêtin lo.... ji xwe re girtin lo...
Were lo Sînano lo... Kirîva te me lo...
Wele şurê Şamê lo.. li pişta te me lo ...
De tuyê xema nekşîne Sakîneya bêmamo soz û qirarê dide
Ger ez bimrim ji axa sarra ger ez bimînim lo … wez ya te me lo...

Lo berde
Şevek di nîvê şevê da lo di giraniya xewê da
Destê xwe da destê min lo bin roniya heyvê da
De berde de berde
Lawo destê min berde
Evînî bi kul û derd e
Lawiko destê min berde
Evînî bi kul û derd e
Lo lawo destê min berde

Te min didî li hewzê gulan, sibê, nîvro û êvaran
Dest avête gerdenê lo, xişîn kete guharan
De berde de berde
Lawo destê min berde
Evînî bi kul û derd e
Lawiko destê min berde
Evînî bi kul û derd e
Lo lawo destê min berde

Tucara te ji bîr nakim lo ser te re kesî nakim
Ger sed sal jî derbasbî lo, soza xwe xera nakim
De berde de berde
Lawo destê min berde
Evînî bi kul û derd e
Lawiko destê min berde
Evînî bi kul û derd e
Lo lawo destê min berde



HESEN CİZWARİ

Kevok im lê lê
Ez kevok im lê lê….
Ez kevok im way way
Kevoka şîn im qurbano
Li ser bana bin bana
Ez dixwînim way way
Ez aşiqê lê lê
Çavê şîn im way way
Ez maşûqê lê lê
Çavê şîn im way way

Kevok im lê lê....
Ez kevok im way way
Kevoka reş im xudêyo
Li ser bana bin bana
Hûr dimeşim way way
Ez aşiqê lê lê
Çavê reş im way way
Ez maşûqê lê lê
Çavê reş im way way

Ez kevok im lê lê....
Ez kevok im way way
Kevoka spî me way way
Li ser bana bin bana
Xweş danî me way way
Ez aşiqê lê lê
Jinika bî me way way
J’kerba delalê lê
Ez xwînî me way way
Gotin û Muzîk: Gelêrî

Koçerê
Eman eman koçerê
Tu bi qolana kemberê
Radimûsim kejîzerê
Pişta mala bênderê
Eman eman koçerê

Beriyê xaniyê me bi kevot
Pişta mala me bi kevot
Melkê mewtê here jor
Melkê mewtê were jor
Da biçe seyra dawetan
Xweziya min kejîyan firot

Eman eman koçerê
Eman eman koçerê

Min dît li afirê gamêşa
Te dî li afirê gamêşa
Tilya min girt û kêşa
Gava çavê min lê ket
Şişa dilê min êşa
Eman eman koçerê

Eman eman koçerê
Tu bi qolana kemberê
Radimûsim kejîzerê
Pişta mala bênderê
Eman eman...
Gotin û Muzîk: Gelêrî




ÎSSAA HASSAN

Zalimê
Min çavan vekir, tu nexuyayî
Tu li bir çavên min wendayî
Gelo xwen e, yan bera yî
Dil min, li dû te bezyayî

Dilê min gazî te dike
Tu jî zalime, li bir di re ve
Bes e zalim, bes e ciwan
Ez bûm e perîşan

Hey zalimê hey zalimê,
ya ko ez nadim bi malê dinê
Ez dixwazim te vegerî, de bes e were,
weeee ...r de bes e were

Hey zalimê çima çima
Ez û te neman ji hev re
Bûn aşiqê kul û derda
Bûne wek Mecnûn û Leyla

Ez ban di kim were were
Hey zalimê were were
Şev û rojên min tevî hev bûn
De bes e were

Hey zalimê hey zalimê,
ya ko ez nadim bi malê dinê
Ez dixwazim te vegerî, de bes e were,
weeee...r de bes e were
Gotin: Îssa Hassan
Muzîk: Gelêrî

Ez û yarê
Ez û yarê yarê, ez û yarê yarê
Em ji hev bi dil bûn, em ji hev bi dil bûn
Me yarî di kir, min û yarê li Kurdistanê
Me yarî di kir, min û yarê li Kurdistanê

Ez û yarê yarê, em ji hev bi dil bûn, ez û yarê yarê
Em ji hev bi dil bûn, ez û yarê yarê
Me yarî di kir, min û yarê li Kurdistanê
Me yarî di kir, min û yarê li Kurdistanê

Ezman pir şîn bû, pir di nava rojê da
Çavên min li rê bûn, li hevîya yarê da
Stêr bi hazaran bûn, di nîvê şevan da
Me yarî di kir, min û yarê li Kurdistanê
Me yarî di kir, min û yarê li Kurdistanê

Me govend datanî li nav kulîlka
Me dîlan dikir li ber dengê dîka
Me gulî di hûnan wek hejhejîka
Me yarî di kir, min û yarê li Kurdistanê
Me yarî di kir, min û yarê li Kurdistanê

Ewr pê de hatin, şêv reş û tarî bû
Tenê yara delal, bo min ronî bû
Kunda li ser me xwend, ezman xalî bû
Em ji hev dûrketin ez û yarê û ji Kurdistanê
Em ji hev dûrketin ez û yarê û ji Kurdistanê

Ez û yarê yarê ez û yarê yarê
Em ji hev bi dil bûn Em ji hev bi dil bûn
Me yarî di kir, min û yarê li Kurdistanê
Me yarî di kir, min û yarê li Kurdistanê

Ez û yarê yarê, em ji hev bi dil bûn, ez û yarê yarê
Em ji hev bi dil bûn, ez û yarê yarê
Me yarî di kir, min û yarê li Kurdistanê
Me yarî di kir, min û yarê li Kurdistanê
Gotin: Kamûran ji Kîkan
Muzîk: Issa Hassan



îBRAHIM ROJHILAT


Egît
Dûr neçe heval
Na na tu dûr neçe
Zemherê tofane
Bahoz û borana
Xew şîrîne na heval

Dilê min naha bîra ji agire
Vêdikeve bi evîne
Wek axa welatê min û rih dide can êmin
Lê çima sar dibe laşê te
Wek hêstêrek çav êmin wekê berfa Zagrosan
Dûr neçe heval na na tu dûr neçe
Veke çavan loo zanim xew şîrîne
Lê rabe nobedarîya man û nemanêye rabe
Vaye binêr berbangê avît dîsa
Roj derdikeve agir li çîyan pêdikeve
Vaye bi bîhîse dengê ava kû diherike
Dengê dilê kû dihele Dengê dilê kû dihele

Rab serê rake
Biqîre çavan veke
Dengê xwe bilindke
Dilê xwe geş bike
Hêvya me nêze heval

Zanim belkî tu ji zanî
Her bûhar xwe ji nû vedixemîlîne
Li Zap Çûkûrca Colemerk û Hakûrk
Naha serî rake çavan veke û biqîre
Wek sitranek azadîyê û wekê sitranek aşîtîyê
Heeeeey egît bazên çîyayên Colemerk
Dûr neçe heval na na tu dûr neçe
Ji here bihnekîde hezar car dişewête cîger
Vaye binêr rê hevalên te bablekanê dileyîzin
û zanibe benda te ne naha dema serkeftinêye naha rabe

Dengê xwe bilindke
Dilê xwe geş bike
Hêvya me nêze heval

Çemme
Here çemme çemme çemme
Deşta Heranê çemme deşta wêranê çemme

Evdal beg tê ji eceme here çemme çemme
Evdal beg tê ji eceme deşta Heranê çemme
Wî bi êlê xwe da cem me here çemme çemme
Wî bi êlê xwe da cem me deşta Heranê çemme

Lal bîye bîye bîye deşta Mêrdînê bîye
Lal bîye bîye bîye deşta wêranê bîye
Evdal beg li bin sîye deşta Mêrdînê bîye
Evdal beg li bin sîye deşta wêranê bîye

Here çemme çemme çemme
Deşta Heranê çemme deşta wêranê çemme

Dilo
Wey malîno ezê çibikim ji xwe
Ji vî dilê li min ji vî dilê
Gundî malîkê awa kîbar ji wirda tê
Tim ser pêşîda di milmîlî li min di milmîlî
Wey la dînê xwezka te lawêki xwe bidîta
Çend pêşîda li ser kevna zor ewîlî li min zor ewîlî

Ax malîno kewan yeke sor sîpîye xwîn şîrîne
Li min xwîn şîrîne
Ay de min go morî mircan zenda serda
Sor sîpîne li min sor sîpîne
Gundî malî kes nakeve peya'm kewa min a gozel
Serê dilê'm dihelîne li min dil kafiro

Weyla dînê ezê navê te nizanim
Dêbêm Hewê li min dêbêm Hewê
Ay de bê dêbê sûreta bilbilê dixwîne bi sî û sê zimana
Wer dengê dîkê zimanê kewê li min zimanê kewê
Gundê malê ezê tucar terka wî bernadim li ser rindê
Çav û bîryê belek vî bedewê li min dilo

Şev Tarî
Şevka şevqa payîza şev tarî tarî
Şevka şevqa payîza şevqa reş baran barî
Xew xweşe bi aqlê qîza şev tarî tarî
Xew xweşe bi aqlê qîza şevqa re baran barî

Şevka şevqa bûhara şev tarî tarî
Şevka şevqa bûhara şevqa reş baran barî
Xew xweşe bi aqlê yara şev tarî tarî
Xew xweşe bi aqlê yara şevqa re baran barî

Sebra Min
Ava kanîya'm xweş diherike
Bê deng û zelal newal û çeman
Bûhara rengîn hesreta mezin
Newroza rengîn hesreta mezin
Dêgêjin hevdû dibine yek dil
Dîlana agir vêdikeve gul

De were were sebra min were
Ez dil gêjim hesreta dile
Ez dil dînim bûhar û gule

Sitran û awaz ser dengê evdal
Dibe wek bayê dilde ser ax
Agirê Ararat sîpanê Xelat
Agirê Ararat Mûnzûr û Ferhat
Hêvîyek mezin li benda welat
Di bav heliya rojê Ferhat

De were were sebra min were
Ez dil gêjim hesreta dile
Ez dil dînim bûhar û gule

Lê Xan
Walay tu xanê lê lê xan
Billeh tu xanê lê lê xan
Solê te sorin lê lê xanê
Porê te yên şeh lê xan
Pezê'm windabû lê lê
Paş kotan û tav lê xan

Walay tu xanê lê lê xan
Billeh tu xanê lê lê xan
Tu qîza axa lê xanê
Tu qîza paşê xan
Pezê'm windabû lê lê
Paş kotan û tav lê xan

Esmer Eman
Esmer eman eman
Dîlber eman delalê yeman
Çi kulîlka dora çeman
Xelk zewîcî ez û tu man

Esmer min dî sêlê tîne
Dîlber min dî sêlê tîne
Başê miskê jê dixîme
îmalişka lo pîra distîne

Esmer eman delalê rindê
Wî başarê ru tenê rindî
Tu bedewa nava gundî
Tu nazika nava gundî

Esmer eman eman
Dîlber eman delalê yeman
Çi kulîlka dora çeman
Xelk zewîcî ez û tu man

Yara min
Şev tarî bû dîsa ez tenê me, bê yara xwe me
Hêstêr ji çavê min wek baranê tê, tê dibarim
Bi roj û şev li vêr li benda yarê, lê xeber nayê
Tenê bûn gelekî zore, ez ditirsim dayê

Tu caran te ji bîrnakim
Tu caran ji kesekî din hesnakim
Bê te nameşe jîyana min yara min

Tê bîra min bi roja reş tarî, lê baran dibarî
Wek xeyalek gotine min, yar zewîcîye
Çima çûyî ji jîyana min, çima yarê
Tu dizanî îdî ev jîyan ji minra bû dawî

Tu caran te ji bîrnakim
Tu caran ji kesekî din hesnakim
Bê te nameşe jîyana min yara min

Husna Canê
Fitanê sor li xwe neke,
Xwe li nava gund liba neke
Emrê min bîst sale
Li dû xweda teba neke

Herê lê lê husna canê
Ben da te me bi sala yê
Tu evîna nav dila yî
Herê lê lê derd giranê

Çi kîrîye çi kîrîye
Lawêkê xelkê dîn kîrîyê
Fistanê te serê te bixwe
Dilê min tîjî kul kîrîye

Herê lê lê husna canê
Ben da te me bi sala yê
Tu evîna nav dila yî
Herê lê lê derd giranê

Ax Welat
Sal derbas bûne ji te dûr bû me
Hesreta mine te bibînim
Li nava xerîbî jîyan nameşe
Dilê min ser te pir diêşe

Ax welatê min ronîya çavê min
Bi ro bi şevan tu li bîramin
Ax welatê min cî û warê min
Ne ma ez vegerim gundê min

Wek min bi hezaran ketin nav rêyan
Koçber bûn welatê bêyanîyan
Tu jî dinalî pir bîrîndarî
Li hêvîya gelê xwe mayî

Ax welatê min ronîya çavê min
Bi ro bi şevan tu li bîramin
Ax welatê min cî û warê min
Ne ma ez vegerim gundê min

Dayê
Neke hewar dayê
Neke gazî dayê
Bese tu dinalî
Dayka min Kurdistan

Dayê li minê dayê
Dayê bê kesê dayê
Dayê şîrînê dayê
Tu tenê mayî li vî dênya yê dayê

Agirê newrozê
Gej bû li cîhanê
Her der ser hildane
Azadî nîşane

Dayê li minê dayê
Dayê bê kesê dayê
Dayê şîrînê dayê
Tu tenê mayî li vî dênya yê dayê




JJJJJJJJJJJJJJJJJJJJJJJJJJJJJJJJJJJ,

JAN AXİN
çııÖÖçşıÜüEvîna bextewar tune ye
Êdî wext dereng e, ji bo hînbûna jînê
Bila dilê me biîskin, di şevreşê de
Ji bo biçuktirîn stranek, kambaxî divê
Ji bo her riçifa dil, axînek divê
Ji bo tingîneke gîtarê, îske îskek divê
Evîna bextewar tune ye

Evîn tune ye ku, ji janê nehatibe
Evîn tune ye ku, dil de birîn veneke
Evîn tune ye ku, ru neçilmisîne
Evin tune ye ku, ji girî nehatibe
û tevî te ji evîna welêt
Evîna bextewar tune ye
Lê ev evîna min û te ye

Cana min, xezala min, birîna dilê min
Ez te di dil de disitirînim, mîna çûkeke baskşikestî
Li me dinêrin û diçin, bêyî ku tiştekî zanibin
Dubare dikin li pey min, rîsiyê minê hûnandî
Ewên ku hazir in bimrin, ji bo çavên te yên reşbelek
Evîna bextewar tune ye

Tu tiştê mirov lê nayê, ne xwurtîya wî, ne qelsîya wî
û gava ku bi hêvî hembêza xwe vedike sîya wî ya xaçekî ye
Gava ku bi hêvî dilgeşîya xwe diqîre wê dieciqîne
Jîyana wî jê bîyanî û êşeke bênav e
Jîyana wî dişibe wan leşkerên bêçek
Ku ji bo qedere din xwe girê dane
Hişyarbuna sibehê dê bi kêrî çîyê wan bê
Ewên ku êvarî çek ji dest tên girtin
Hêstirê xwe bigre ez bi gori û bêje
Evîna bextewar tune ye
Helbest: Louîs Aragon
Werger: Cemîl Denlî
Muzîk: Jan Axîn

Ditirsim yar
Carna yarê
Navê mirov jî lê dibe bar
Li serî dibe bela
Navê mirov jî lê dibe bar
Hingê çûyîn divê çuyin ax
Ditirsim yar, ditirsim yar
Yar ez diherim yar
Bi xatirê te

Bi sitranan re bûm heval
Ketim nav helbestan
û digirîm jî gava tu têyî bîra min
Ditirsim yar, ditirsim yar
Yar ez diherim yar
Bi xatirê te

Bila canê
Jiyîn li min asê nebûya
Roj neçûya ava
Jiyîn li min asê nebuya
Kengê çûyîn divêm çuyîn ax
Ditirsim yar, ditirsim yar
Yar ez diherim yar
Bi xatirê te
Gotin: Îbrahîm Seydo
Muzîk: Jan Axîn

Bajar
Te got ez dê herim welatekî din zeryayeke din
Helbet ji vîya çêtir wê bê dîtin bajarekî din
Qey qeder e wî...
Dest diavêjim çi bi pêsîra min ve dizeliqe
Û tê bêjî qey meyîtekî veşarte ye dilê min

Li ev bajarê beyar, wê hê pir bimîne hişê min
Ruyê xwe çawa diguhêrim li kuderê dinihêrim
Derdikevin pêşberî min xopanên reş
yên jîyana min
Salên xwe malmîrat kirin
min belasebeb kambax kir

Tu ê welaten din nebînî, wekî din zeryayan
tu ê nebînî
Û dev ji te bernade ev bajar, li eynî kuçeyan
tu ê bigerî. Li eynî taxan tu ê pîr bibî
Li eynî malan tu ê por sipî bikî
Cihê tu ê herî û lê vegerî ev bajar e
Yekî din hêvî neke
Tu keştî, tu rê nînin ji te re
Li van quncikên biçûk
li van deran tu xwe malxerab bikî
Li hemû deverên cîhanê tu ê malxerab bimînî
Helbest: Konstatînos Kawafîs
Werger: Rênas Jîyan
Muzîk: Jan Axîn

Sinem
Lê sînemê
Çav mizgînê
Fistan şînê
Bejn şêrinê
Sînêm, sînêm sînemê
Sînema min

Barê dilan
Dam ser milan
Sînem tu yî
Rewşa gulan
Sînêm, sînêm sînemê
Sînema min

Jê re vekir
Derd û kulan
Got e lawo
Nakim dilan
Sînêm, sînêm sînemê
Sînemê
Gotin : Jan Axîn
Musîk : Jan Axîn

Kul û kulîlk
Ger ez ba bum a
Min ê porê te bialasta
Ger baran bum a
Min ê xwe li nav çavê te bixista
Îcar jî ji vê kulê nemrim
Ji bilî kulîlkan
Careke din hew hez dikim

Xezalên tî avê vedixwun
Ji golên çavên te
Çukên baskokirî
dilûsin li ser milên te
Meşka xwînê ye ev dilê te
Hevîrtirşê êvara ye kilê te
Îcar jî ji vê kulê nemrim
Ji bilî kulîlkan
Careke din hew hez dikim
Gotin: Rênas Jîyan
Muzîk: Jan Axîn

Delal
Ku dil dîlber be lê xwe dîlber kî ye
Eger dîlber dil be, lê navê dil çî ye
Ez dil û dîlber tev lî hev dibînim
Nizanim ku dil kî û dîlber kî ye

Delal herdu çavê min qesrên te ne
Nav herdu çavê min çîhê pîyên te ne
Ditirsim tu bi xafil gav biavêjî
Û bi mijangên min biêşin pîyên te
Helbest : Baba Tahirê Uryan
Muzîk : Jan Axîn

Kerîm lawo çeqilmast
Kerîm lawo çeqilmast
Min meyan û nebû mast
Kuçikê mexmer alast
Bû koçerkê bi rast
Kerîm lawo çeqilmast

Ez çûme Şam û Heleb
Anin sê bizinê celeb
Yekê kor û yekê pîr
A dinê bizina tiştîr
Bûm hemberê mala mîr
Helbest: Baba Tahirê Uryan
Muzîk: Jan Axîn

Siwaro bajo
Bajo, siwaro bajo
Ku da dibe bila bibe
Sekin min dikuje
Li her qonaxê min gulek
Li her gulê min dilek
Li her dilê min kulek
An jî mirinek divê
Bajo, siwaro bajo
Ku da dibe bila bibe
Sekin min dikuje

Wergera hestan çawa bikim
Narîncokê mehîyan ji hêsiran
Evîn ketin bextê çîtikan
De bajo siwaro şev digirîn
De heeey siwaro
Di girîyê şevan de dinalim
Di nalîne de diqêrim
Di qêrînê da dil didim
Di dildayînê de dimrim
Bajo, siwaro bajo
Ku da dibe bila bibe
Sekin min dikuje
Gotin : Jan Axîn
Muzîk : Jan Axîn

Keçikê bimeş
Keçikê bimeş bimeş
Xulama wan çavê reş
Delalê bimeş bimeş
Xulama wî kenê xweş
Ramusanekê bide min
Tê bêje min sehet xweş

Min bang kir wê xweşkokê
Şêrînê şemamokê
Fîstanê wê dirêj e
Encax digihê ser çokê
Digihê ser kambokê
Encax digihê ser çokê
Ji wê de hatîye Heleb’ ê
Heta bigihê Qamîşlokê
Gotin û Muzîk: Miradko

Xeydoka bajêr
Xeydoka bajêr were
Agir dişewite di çavê min de
Min jîna xwe da te dest ne da
Di hemu hêvîyê xwe da têk çum
Lê çavên te jî nînin
Di hemu şerê xwe da têk çum
Lê destê te jî nînin
Şilfî tazîme, şerpezeme
Bes ne xem e, tu vegere

Xeydoka bajêr vegere
Hêsir difetisin di çavê min de
Min jîna xwe da te dest ne da
Gotin: Jan Axîn û Îbrahîm Seydo
Muzîk: Jan Axîn



ıÜüLeila Fariqî


çııÖÖçşıÜüBêrîvanim
Ez kevoka zinaranim
Gul û sosina buharan im
Weke mêrg û gulîstan im
Bêrîvanim wez heyran im

Xemla dilêm bi kovan e
Wez merhema dil û can im
Ez nojdarê kul û jan im
Bêrîvanim dilovanim

Bêrîvanim Bêrîvanim
Keça Kurdim li zozanim
Bêrîvanim Bêrîvanim
Bêrîvana Kurdistanim

xeribo

MİHEMED ŞÊXO

Ay lê Gulê
Ay lê Gulê Gula minê
Şêrîna l’ber dilê minê
Gulê nadim malê dinê
Ez ser gulê têm kuştinê

Gulê kesk û sor û zer e
Nîşana alê li ser e
Êdî reng sipî û gewher e
Şêrîn û peymana minê

Rengê te yê pir delalî
Bilbil li ser te dinalî
Te nebînim bi vî halî
Armanc û kedera min î

Zordar dibê ez gul nadim
Ezê zend û benda badim
Ezê lê gilh û seradim
Azad bibî b’şorşa minê

Bi xudê ez pismamê te me
Bi sûnd pesindarê te me
Ser ceng û hewarê te me
Qelenê te ji xwîna minê
Helbest: Rêncber
Muzîk: Mihemed Şêxo

Eman dilo
Eman dilo eman dilo
Ji derdê yarê tim bi kulo
Janê eşqê avêt dilo
Dil û kezeb tev bûn kulo
Yar bû gul û ez bûm bilbilo
Eman eman eman dilo
Eman eman eman dilo
Ji derdê yarê tim bi kulo
Janê eşqê avêt dilo

Ji nav bexça meşî û bi rê ket
Por wek herîr li ber bê ket
Canê min ma û dilêm pêket
Dil wek tîr ji kevan lê ket
J’serêm çû hiş û aqilo
Eman eman eman dilo
Eman eman eman dilo
Ji derdê yarê tim bi kulo
Janê eşqê avêt dilo

Ji nav gulan derket meş tê
Wek horîya ji nav bihuştê
Ji gulan hilm û bêhna xweş tê
Ji hêsra hûnarkem bûn şilo
Eman eman eman dilo
Eman eman eman dilo
Ji derdê yarê tim bi kulo
Janê eşqê avêt dilo

Di ber min re bihurî û dimeşe
Yek li ber min kir wek şeş e
Li pêş min kir şeva reş e
Bûm birîndar û nexweş e
Dil û kezeb tev bûn kulo
Eman eman eman dilo
Eman eman eman dilo
Ji derdê yarê tim bi kulo
Janê eşqê avêt dilo
Helbest: Mihemed Elî Şakir
Muzîk: Mihemed Şêxo

Nesrîn
Demê min tu dîtî Nesrîn
Herdu çavêt di reş digrîn
Ewan çava di gotne min
Careka dîn tu min nabîn
Dil û canêm tev bûne xwîn

Ji hemîla min vebûn birîn
Ji ber şenga didan zêrîn
Ji ber şoxa bejin şêrîn
Te dêm têkel befr û xwîn
Tu j'gula buy gula Nesrîn

Buhar behî, Nesrîn werya,
Kevnenêrî li ser çêrya
Heyfa min têt Nesrîn girya
Rondik weryan ser wan rûya
Ew çavê reş gelek girya

Nesrîn xwezî te bibînim,
Tu şîn bibî careka dî
Ne li vê dinê li dinek din
Ne li vî warî li warekî din
Gotin û Muzîk: Mihemed Şêxo

Xemcivîn
Ez bûme pîrê xemcivîn
Bê hiş û mest û jêr nivîn
Li dil vebûne sed birîn
Ji ber evîna şoxa şêrîn
Bilbil civanê gulê ye

Evîna te ez pîr kirim
Bê can û hem bê bîr kirim
Bêçar kirim, xembar kirim
Şaş û nezan û jar kirim
Bilbil civanê gulê ye

Dilê xemgîn kir êş û jan
Agir berda hinav û can
Hey zalimê bê bawerê
Ma kanê peymana berê
Bilbil civanê gulê ye
Helbest: Sebrî Botanî
Muzîk: Mihemed Şêxo

Yar Gewrê
Carekê min dit ji xwe re gewrek
Çavê wi reş û belek
Xwe berda nav dilê min
Min jê hez kirî gelek
Ay gewrê ay gewrê ay gewrê gewra min

Hat bîra min birh û çaw
Lêv û diranê li hev
Bejn û bala teyê zirav
Porê tarî weke şev
Ay gewrê ay gewrê ay gewrê gewra min

Ez û gewrê bûn dilek
Bûne rihek bûn canek
Tu car gewrê ji bîr nakim
Ji niha û sed û salek
Ay gewrê ay gewrê ay gewrê gewra min
Nesîbê me tev rabû
Ne b’destê min û te bû
Xêrnexwaza em dûr xistin
Lê dilê min li cem te bu
Ay gewrê ay gewrê ay gewrê gewra min

Binêr li min û vî halî
Ji eşq û xema ez dihelim
Wextê çawêmin li te ket
Keser xwe ser da alî
Ay gewrê ay gewrê ay gewrê gewra min
Helbest: Kemal Şanbaz
Muzîk: Mihemed Şêxo

Şêrînê nû gîhayê
Şêrînê gewr û rind e
Lihevhatî û bilid e
Pêçî ji mûm û find e
Şêrînê nû gîhayê
Li ser min pir bihayî
Rabe çaxa xewê ye
Bê te xewa min nayê

Were şêrîn li ba min
Xeman nexwe seba min
Were rûnê li ba min

Şêrînê nû gîhayê
Li ser min pir bihayî
Rabe çaxa xewê ye
Bê te xewa min nayê

Dîlber çiqas delal e
Bê hogir û heval e
Her dem me dil li bal e

Şêrînê nû gîhayê
Li ser min pir bihayî
Rabe çaxa xewê ye
Bê te xewa min nayê
Helbest: Cegerxwîn
Muzîk: Mihemed Şêxo

Ax û yeman Şikrayê
Sebra min bê te nayê
Şêrînê nû gîhayê
Te ez xistim te ez helandim
Te ez berdame dinyayê
Te ez berdame dinyayê

Ax û yeman Şikrayê
Rê dûr e xeber nayê
Çavê min rê de maye
Ax û yeman Şikrayê

Nazik û navgiran î
Tu bi derdê dilan zanî
Agir berda vê canê
Hên jî tu nayî rayê
Hên jî tu nayî rayê

Ax û yeman Şikrayê
Rê dûr e xeber nayê
Çavê min rê de maye
Ax û yeman Şikrayê

Bûm nexweşek bê derman
J’derdê kitek ramûsan
M’nedî wek te bê îman
Tere ketim belayê
Ax û yeman Şikrayê

Ax û yeman Şikrayê
Rê dûr e xeber nayê
Çavê min rê de maye
Ax û yeman Şikrayê
Gotin û Muzîk: Gelêrî


Di xew de
Di xew de ez çûme şûn wara
Nale nalê van dîdara
Ax û ofê evan yara
Nedihat dengê van dildaran

Leyla rabû xwe di min wer kir
Go dildaro te çi li min kir
Te dil fêrî dildariyê kir
Te ez hêlam te xwe ker kir

Leylayê çi di min nehêla
Giyanê min kir têk şêla
Min go diçim wê nehêla
Gêrandim ser kavl û kêla

Go baş e tu çawa hatî
Baş bû kesî tu nedîtî
Xwezî bi saxiya xwe min dîtî
Gerdena min te têr mêtî
Helbest û Muzîk: Mihemed Şêxo

Ez der bûm
Ez der bûm dinyayê bi şîn û bi ser
Ez bûme xerîb geram der bi der
Felek roja min çû nehat û nema
Te ez berdayîme deştan û çema
Helbest û Muzîk: Mihemed Şêxo

Were were
Were were li nik min rûne
Dilêm kul e bikewîne
Eger rojê ez te nebînim
Hemî dema li min girîn e

Were were reng esmerê
Wek kulîlka li pencerê
Şev û rojê di xeyalê de
Dil û hinav hatin derê

Were were çavêd belek
Wê xwedana pirça xelek
Tu bi Xwedêkî ji nik min neçe
Kulê dilêm bûne gellek
Muzîk: Mihemed Şêxo

Min canek dît
Min canek dît li nav çiya
Ronahî da çar aliya
Rawestam bin sîka biya
Nexweş bûm ketme nav ciya

Hişyar kirim qêjnawê
Min xwe avêt ber piyêt wê
Ber perekî mezin ya wê
Min jî guh da gazinêt wê

Nesaxeke giran im ez
Ya bê pirs û bê derman im ez
Bê Xudan û sexbîr im ez
Ya bê bab û semyan im ez

Ferhad ez im şêrîna min
Wey te xwelî bi serserê min
Wey nazik û serbara min
Kul û gazinda neke ji min

Kaxeza ji kê re biweşînim
Perda çî şêxî bi hêjîn im
Ser kêleya çê çakî rûnim
Dermanê te ji kîre bînim
Muzîk: Mihemed Şêxo

Dilvîna min
Min canê dît bi çavêd zil
Min yarê dît bi dilê kul
War û hêlîn bûne kavil
Min tu hêlayî
Belê ne j’dil
Dilvîna min, dilvîna min

Ji nav baxî ez hatim çinîn
Dûr ketim ji warê şêrîn
Kilêz bit jî nabe hêlîn
Bê awaz û cejn û narîn
Dilvîna min, dilvîna min

Bigrîm bo xo ya ji bo te
Li ser xo ra sotim bo te
Sûnd bi kavl û wêranya te
Dîlber nadît evîna te
Dilvîna min, dilvîna min

Qalka zika her bihilavê
Berba çûye ber barovê
Şerme li testûrî ravê
Du car bikevî yek davê
Dilvîna min, dilvîna min

Kaniya te av jê fîrkirî
Te nedizanî ya dafkirî
Te girêdan çav û burî
Xewn bû go tu ser da birî
Dilvîna min, dilvîna min

Were guh bide vê pestê
Ezê dijîm çerxa bîstê
Ger liv livîm dibên rast e
Ger nexweş bûm ketme xestê
Dilvîna min, dilvîna min
Helbest: Mistefa Artûşî
Muzîk: Mihemed Şêxo

Cana şêrîn
Ma te çend keç hilbijartin
Te bi destê xwe veşartin
Çend serhatî bi ser te hatin
Ma te bo çi qîz negirtin

Ey can canê cana şêrîn
Te du pirsyar ji min kirin
Car revend in car koçer in
Nizanim kê em jê kirîn

Şibê de ta roj diçû ava
Ta ku heft nîvekê şeva
Her ez bûm şevgerêt şeva
Ez bûm per canê van çava

Revend im ez revandim ez
Revendekî bi lez û bez
Yê bê reşmal û koz û pez
Ji dîtina te têr nabim ez
Helbest: Mistefa Artûşî
Muzîk: Mihemed Şêxo

Rabe ji xewê
Rabe ji xewê çavê raketî
Dilêm şewitî agir pêketî
Şêrîna min çû tu dil vêketî
Lê çibkim îro ji dest min derketî

Şêrîna min bir zalim neyara
Ez mame feqîr mam li ber dîwara
Ez bandikim qêrîn hewara
Kî serhêlîn e kî ji xew şiyar e

Ser min zivistan, ka bihara min
Şêrîna min ket dest neyarê min
Wê li min qut kir ziman zarê min
Li min xopan kir şûn û warê min

Çi dem bê ser min ji biharê dila
Ku bê guhê min dengê bilbila
Ez wê hilgirim ser herdu dila
Ez pê dermankim derd û kula
Helbest: Bêbihar
Muzîk: Mihemed Şêxo

Hebs û zindan
Heps û zindan kûr û tarî xewa min nayê
Ji eşq û evîna gulê ketme belayê
Gula min vebû bîn dabû serê çiyayê
Min go gulê were vir, go ez bêwext nayêm

Gula min kesk û sor heyran gula min geş e
Gula min bi xelkê tal e bi min pir xweş e
Dunya li ser me ron heyran bextê me reş e
Dest ji gulê bernadim ku xwîn bimeşe

Gula min rengîn e heyran gul sor û zer e
Hebs û zindan tê ez rizyam gul bê xeber e
Gula min bindest e heyran bi kul û keser e
Dest ji gulê bernadim can bidim ser e

Gula min tu xeyidî min guneh çêkir
Te ji min re çi got û min can û dil kir
Mal û can dabû ser heyran gelek hindik kir
Rêka min gelek dûr bû va işqê kin kir
Helbest: Bêbihar
Muzîk: Bêbihar

Gulîzar
Gulîzar Gulîzar...
Ezê rûniştî me li bin darên serê kaniyê
Min dî Gulîzara min av dianî...
Pişta xwe da min, kirî meşek bi giranî
Min ba kirê Gulîzar Gulîzar Gulîzar
Tu bihara emrê min î Gulîzarê

Were were Gulîzarê
Sifet wek heyva biharê
Tu wek kulîlka hinarê
Wer ji min re tu xweş yarê

Gulîzara’m tu delal î
Tu delal t xweş heval î
Binêr li min û vî halî
Hêstir ji çavêm tên xwarê

Gulîzaram tu xweş xatûn
Aşiq bûn wek Leyla û Mecnûn
Hela were dîlber tu rûn
Ji sibê heta êvarê

Min li te nêrî min axîn kişand
Min axîn kişand dlêm êşiya
Ez bûm wek dîn û serxweşa
Ez bang dikim şêrîn yarê

Gulîzaram li dibistanê
Çente bi desta li eywanê
Xelk û alem tev dizanê
Weke berfa li ser zinarê

Perwîn
Perwîn keça nûgihiştî
Ew delala xwedê hiştî
Çaxa serê xwe li min hilda
Cerg û dilê min biriştî

Çiqas bêjim pir şêrîn e
Keça têra min nalîne
Ji ber bext û peymanê xwe
Du reşmara li min werîne

Du reşmar û herdu kezî
Min go rabe wê go bixwazî
Çaxa berê me ket welat
Hêvî û gazî li pey me bezî

Welatê min sor û şîn e
Tevde buhara rengîn e
Hinga min dî av û kevî
Nûka xweda min mizgîn e

Em vegeriyan ji welat e
Me ne sebr û ne tebat e
Mehra dila em hatin mal
Qehra mezin ma welat e
Helbest: Bêbihar
Muzîk: Mihemed Şêxo

Eyd û erefat
Gava li me hat eyd û erefat
Roka sibê li me hilat
Ew dil û can ji ter kir xelat
Hew xeyrî van bi destê miv’ hat

Dilê min bû behra bêbinî
Tu bû gemî lê sekinî
Te ez helandime ji binî
Evîna me bû serpêhatî

Kanî ew sozê te û min
Ka ehdê te li ber destê min
Tu bi kud’ bir ew dilê min
Ew ehd û soz kêr min nehat

Gava tu li ber çavê min bû
Cîhan li ber min heyv û ro bû
Gava tu ji ber min dûr dibû
Bê te qet sebra min nehat

Ka hêlîna me ava kir
Xewnê şeva me esas lêkir
Bayê ber tavê xerakir
Ji serê min bir hiş û mat

Kê dinya hejand
Kê dinya hejand
Kê dûlab gerand
Ew Barzanî kak
Rabû şûr kişand

Kurd hatin bi dor
Bê kotek û zor
Rijandin xwîna sor
Barzan lê şikand

Yek ji wa Barzan
Ew bazê pehlewan
Ew Mehdiyê zaman
Bi mêranî heyf hiland

Ne dêwê guhder´z
Ne ristem û gurz
Bê himet û hêz
Barzanî nav stand

De hêvî ma xweda
Himetê bid’ Kurda
Wan mêr û merda
Xwîna xwe rijand

Pir şêrîn e
Kurdistan pir şêrîn e
Tevde mêrg û kanî ne
Ew buhuşta cîhanê
Buhuşt xeyrî wê nîne

Pênc hezar sal em hebûn
Em tevde azade bûn
Millet tev bindestê me
Yek ji me Selahidîn e

Welato tu pir hêja yî
Tu welatê me Kurda yî
Di cîhan de tu deng dayî
Tu weke find û çira yî

Ka we ke Kurdistanê
Ji xeyrî dîn û îmanê
Ji te re bibim bi qurban
Roja cejna qurbanê

Wan darê xox û rêva
Bimeşe û bixwe bi lêva
Kî heye milletê wa
Ji xeyrî me Kurda pê va
Helbest: Rêncber
Muzîk: Mihemed Şêxo

Aso ey hawar
Aso ey hawar agir berbîne
Aso cerg û dil tijî birîn e
Herdu çav herdu çav tijî girîn e
Dest û pê dest û pê bo te girtî ne

Ey hawar e ey hawar e
Bû bû Aso bû zalim bû

Aso kulîlk e di nav berfê de
Aso stran e dilê min lê da
Ev roka wer kê dîtiye cana min
Cana min ma bo çiye

Aso stêra geş tu car nagihêmê
Aso kuştî me ji ber vê şermê
Evînî bo çi ya şerm e
Li nik me ya bi tirs û sehm e

Şivan
Dînê lê lê
Şivan pez daxist ji çiyê
Ay dînê lê lê
Birî dora kaniyê
Ay dînê lê lê
Bêrîvan çûn pêşiyê
Ay dînê lê lê
Dotin bizin tev miyê
Ay dînê lê lê

Şivan pez anî zinêr...
Ber kendala rê du gur...
Berxê biçûk me kir nagir
Çêran a li nav gul û giyê

Şivan pez anî welêt
Nav bexçe tev dar û sêv
Van gîska kir kire-kir
Çêra li nav gul û giyê

Pez anî dora bîrê
Sazî kir bi wê bilûrê
Kotan xwe da hemberê
Kerî girt dora miyê

Mixabin
Mixab bi navê jînê
Sotim derdê evînê
Ma ne bes e şêrînê

Were şêrînê canê
Ji dil derxe vê janê
Bila herkes bizanê

Ma bo çi ye ev evîn
Jana wê ku nebe jîn
Ey dîlbera xemrevîn

Tenê tu yî zîna min
Armanc û evîna min
Wêran neke jîna min
Helbest: Sebrî Botanî
Muzîk: Mihemed Şêxo

Dil kuştiyê
Dil kuştiyê awirên çavên te
Dil girtiyê reşmûyên çavên wê
Nam şêrîn tam şêrîn dêm şêrîn

Li hember min rabe ser xwe weke roj
Ji ber singê cana min bişkoj
Navzirav rû gulav ser dilav

Yarê ez kuştim li min nabê êvar
Derman çi ye kes nizane bes yar
Renge rû tarî mû rinde rû

Min dil daye buhayê du sêva
Min can daye buhayê du lêva
Dev li ken, lêv û çen, xweş beden
Helbest: Cegerxwîn
Muzîk: Mihemed Şêxo

Keça delal
Çava kilke, xeml û xêla xwe girêde keça delal
Were dilê min derman bik te derb lêda nego menal
Keçê te baskê min jêkirin bam bê mefer
Ez kor bûme ji dîtna te nakim der
Nayêm nayêm, nayêm dil derman nakim
Ez ne dextor im ku birîndara rakim

Keçê ez mirim te xwe li min kire ferman e dil şewitî
Were bibîn dîtina te ji min re derman e tu nalebitî
Keçê baskê min jêkirin mam bê mefer
Ez kor bûme ji dîtna te nakim der
Xortê hêja menale ruh li te nema
Te çi li min divê serseran va li ber te me
Nayêm nayêm, nayêm dil derman nakim
Ez ne dextor im ku birîndara rakim

Ji min dûr ket
Tu ji min dûr ket şêrîn
Êşê avêt hinavê min
Wez birîndar tim li ber çavê min

Hat bîra min ew rojên geş
Min buhurand bi dilkî xweş
Tim tu bihara dilê min bû
Pir kêfxweş bûm bi wa çavêd reş

Min gazî kir dilo rabe
Di nav dila de tim xuya be
Çima tu tim kêfxweş nabe
Çima gula te geş nabe

Li min vegerand ez dinalim
Wez brîndarek bêhal im
Ji ax û hesreta dikalim
Ji şêxê re ez evîndar im
Helbest: Beşîr Çeçan
Muzîk: Mihemed Şêxo

Ey felek
Ey felek bo te dinalim
Bo çi nêrgiz çilmisîn
Ew çima bextê me ho ye
Em bê dost û bêkes in

Qe dihêt ma qe dihêt
Ew roja min û hewe divê
Kanîka arî bizêt û
Jê vexwin çend me bivêt

Agirê sra û vemirî
Çav me lê tê geş bibî
Ew buhara tehnî kuştî
Hêvîdar in xweş bibî
Helbest: Bedir Xan Sindî
Muzîk: Mihemed Şêxo

Her erom
Her erom erom
Dilim elerzê amoza can
Lembecê ma wa
Mi gerden berzê amoza can
Amoza tû bala berz î
Amoza tu bo min ferz î

Li te digerim
Menzîl bi menzîl amoza can
Min lişwênê dil
Dil li şwînî gul amoza can
Amoza tû bala berz î
Amoza tu bo min ferz î

Aşe bextê min
Reşî benwênê amoza can
Kê dî we buhar
Gul hel werênê amoza can
Amoza tû bala berz î
Amoza tu bo min ferz î

Fermisî dilre
Berdî lê dibarê amoza can
Çûn dilê hinê
Ya bê te xwarê amoza can
Amoza tû bala berz î
Amoza tu bo min ferz î

Di zindanê dinalim
Di zindanê dinalim ez
Sibê de heta êvarê
Çava vedikim te nabînim
Tu ji min dûrket şêrîn yarê

Evîndarê te bûm dinê
Va îro tu mi dihilîne
Çavrondika dibarîne
Dil bi çav re dinalîne

Tu gul bû min tu bîn dikir
Çiqa gava ez hatim hundir
Tu dûr ket te dilê min bi xwe re bir
Tenha te ez hiştim şêrînê

Dikim derim ji dinyayê
Ka soza ku te bi mir dayê
Te hewara min his nayê
Gelo tu ji ku diaxînê

Axîna min û te bi tenê
Çare tune jê re li dinê
Ma dost nîne li vê dinê
Cergê me suht vê evînê
Helbest û Muzîk: Mihemed Şêxo

Rewşa civata
Rewşa civat û cihêla
Gerdena van bejin kêla
Xudena sê pel û pêla
Van sê pela civat kêla

Rûnişte xwar rûs û çîplaq
Şîrê spiye gûzik û paq
Ron û geşbûn dîwar û taq
Fermiskê berfîne pê û loq

Rêk û pêk û mişt û tijî
Berdan ava birc û bijî
Xwe lê zivirand û girnijî
Got ez im dîlbera mijî

Bibîne silava gulya
Hawar bû req-reqa tilya
Civat bi carkê hel hilya
Kes nema go ne azerya

Çihêla destêt xwe hildan
Kura li keça çav wer badan
Bû seyran û çeple lêdan
Hemî rexa bû maç lêdan

Kewê
Kewê xortê ser çiya bûm
Her bilbilê awaza bûm
Dengê cihêlê genca bûm
Min deng dabû çiya û newal

Xort û lawên min heval bûn
Aşiqê dengê zelal bûn
Li ber çêla geşe gul bûn
Rewneq dabû bask û kendal

Ref ref hatin dildarêt me
Li dûv deng û awazêt me
Ji ber hawar û gazinêt me
Dîlan kirin cihêl û kal

Çiya me li ser awaz xwendî
Mêrga me lê dilan re çandî
Cergê lawa pê hejandî
Îro mame bêdeng û lal

Bextê we me ey hevalê
Ey tolazên pîr û kalê
Di wê rojê de em binalin
Da ji bîr nekin neçit ji bal
Helbest: Xelef Zebarî
Muzîk: Mihemed Şêxo

Şermîn e dil
Şermîn e dil dê çawa şevçiraxim tariya
Bo wê bêjim har û gêjim... dil berêjim min viya

Lew şêrînê nazenînê em ketin derdê evînê
Rewşen û şoxa dila xanzada textê evînê

Ew buhara li dêmê rijtî lê belavin lal û gul
Kew bi sohtin lê dixwînin, hêr û janê ev ro dil

Ger me zanî tu çi reng î... da bîna me hêt
Ne torîn û ne perî ne meye me ji dil divêt
Ji meya dilêvan dibarit bi rengekî sor û zelal...
Helbest: Bedirxan Sindî
Muzîk: Mihemed Şêxo

Xortên me
Xortên me lê ne bê jimar
Gêwên nehing in nav û dar
Serbestî û azadîkar
Jînê dixwazin bê hedar

Kurd im min azadî divêt
Xwînê dirêjin bo welêt
Şûnê didim xew li me nebê
Heya ji cî rakim neyar

Hew hêvî û gazî bikin
Ger em nebin dost dê çi kin
Derdê bi dest derman nekin
Lê em dimînin bendewar

Hingî me go em westiyan
Heya bi Çînê em gihan
Dengê me çû koma cîhan
Kesik li me nabê şiyar

Ala bi aştî ya bi zor
Ferz e li me hildanê jor
Yan bêne kuştin tev li dor
Şerm e ji vê em bêne xwar
Helbest: Ehmedê Şêxo salih
Muzîk: Mihemed Şêxo

Çavên xwe veke
Çavên xwe veke birîndarê min
Mêvanê te me kovandarê min
Bo min biaxêve evîndarê min
Li hêviya te me nêçirvanê min

Şermîn mêvanî belêt di xewnê da
Dê min hêlêve gel rojê helda
Rêka dildara ji nîvşevê pê da
Ne şareza bûm ketme divê şikê da

Çi ra derdê xwe ji min ra nabêjî
Salek duwazde meh tu herî gêj î
Ji dûriyê hatim mêvan im e jî
Hilo biaxêve bû dilê tijî

Şermîn çavêt xwe ez neşêm vekim
Ji vê pirsyarê şermîn dê ji te kim
Ev ser şoyabêt ez dilkî rêkim
Ji kanya çavê te sed pîka fire kim

Xem û xeyal
Xem û xeyalên te ez revandim
Li çol û kilala te ez gihandim
Ji ber sotim, te ez şewandim
Bayê evîna te ez hejandim

Dildarê rûyê di singê te me
Çelengê çakê mêvanê te me
Ji ber fermana te eleste me
Sondê serê te, te ez helandim

Dêrsim û Agirî di taca te bi
Sîpan û Cûdî di burhên te bi
Rewan, Derya Wan çavên te bin
Rondikên çavên te ez pêlandim

Şingal û bêxêr di biskên te bin
Sindî û Gulî guharên te bin
Geliyê Elî jî lêvên te bin
Tûj awirên çavên te ez şewandim

Dîjle û ferat di keziyên te bi
Kerkûk û Hewlêr du singê te bi
Sersing û Şeqlawa di devên te bi
Şêrîn zimanê te ez vejandim

Hemrîn û Metîn di rûkên te bin
Zozik û Şêrîn di guhên te bin
Barzanî bi xwe zimanê te bî
Li dora cîhanê te ez gerandim

Gera cîhan tev hemû ji ber te bî
Pêşmergên dilêr nîşana te bî
Ala kesk û sor li ser singê te bî
Şahî û cejna xwe te ez gerandim

Çipka xunavê
Çipka xunavê li ser nêrgizê
Carek dî hatî nav hoz û kuzê
Çavêt reş hibrin li ser kaxezê
Te navşêrînê yar belengazê

Ta kengî bijîn bê jîn û viyan belengazê
Ta kengî bijîn bê çare û derman
Dema awazê vînê me lêda
Dê bûme kene bê şermî û tawan

Evîna xelkê şadî û huner e
Bo çi evîna me pir şerm û gir e
Dîroka vînê neşîm ji bîr kim
Ji serhatiya ya mişt û pir e

Xin û xişkokê da bo te bêjim
Ez dê gazinda bo te verêjim
Ez evîndar im xelkê ez nevêm
Ez rastî bêjim yara ez nevêm

Xemê dilê min pir vîn û sax key
Xemê rondika hişk û key
Dergehê jînê ji bo me vekey
Şahî û govenda ji bo me karkey

Sînem
Lê lê Sînem çiya bilind e ez te nabînim
Erê bêbavê dinê min go mektûbekê bişîne
Cizîra Botan jî bo ez bi xwîn im Sînem
Erê eger tu nexweş î ez textor im û ez hekîm im
Gotin û Muzîk: Gelêrî

Pêşkevin
Pêşkevin em serfiraz in milletê Kurdî
Yan mirin em dê bibînin, yan jîna Kurdî
Wa milletê Kurdî

Ala rengîn bo te deynim, ger ser bi derd im
Ger nekim vê tu bizane ku ez ne Kurd im
Wa milletê Kurdî

Kurdistan êdî menale lawê te hatin
Xwendevan xwînfiroşê axa welat in
Wa milletê Kurdî

Xwendewan û xwendegeh im bê al û leşker
Dê bijîn paşî bizanin rêçê bibin ser
Wa milletê Kurdî

Mal û dil û can bi carek bo te fîda kim
Xwîna xwey paqij dirêjim bindestî nakim
Wa milletê Kurdî
Helbest: M. Ehmedê Namî
Muzîk: Mihemed Şêxo

Keçka gundê me
Ez keç im keça gundan im
Kulîlka serê lawan im
Rîhana rêz û çeman im
Lawiko ez bêrîvan im

Delalê tu xwînşêrîn î
Dil req î lêv hingivîn î
Mij xorta gava min dibînî
Bêriyê ez evîndar im

Lawiko evînî şerm e
Geleka bi tirs û sehm e
Evînî guneh e li dev me
Lawiko ez bêrîvan im

Delalê bêjin rihanê
Kulilka heyva gulanê
Rêzana xweşiya jîyanê
Delalê ez evîndar im

Lawiko were mala me
Min bixwaze û sehke kilame
Gustilkê bike tilîya min
Lawiko ez bêrîvan im

Delalê bêje bavê xwe
Min bide û dewlet serê xwe
Qayil ke delalê dilê xwe
Bêrîyê ez evîndar im
Helbest: Ebdulezîz Sefer
Muzîk: Mihemed Şêxo

Min bihîstî
Min bihîstî tu nexweş e dilo
Çibkim bextê min tim reş e dilo
Dilê min herdem dikule dilo
Carekî nebûye geş e

Delala min tu pir têşî dilo
Derdê xwe ji kesîr’ nabêjî dilo
Bendî te mam ez heliyam dilo
Tu kulê xwe ji min re bêjî

Nayêm ba we li min negrî dilo
Çima wilo tu bêsebr î dilo
Evîna te ez helandim dilo
Ma sozê te heya kengî

Hêstir ji çavê min tên xwarê dilo
Weke xunava biharê dilo
Alem tevde dikevin xewê dilo
Çavê min ji bo te şiyar in
Helbest: Kemal Şanbaz
Muzîk: Mihemed Şêxo

Axîna min tim ji dil tê
Axîna min tim ji dil tê tim ji dil
Lê min xist merez û kul, xem û kul
Hiner birin ji dest û mil, ji dest û mil
Hisret kirin ji dîtina gul, ji dîtina gul

Şev û rojêm dirêj kirin, dirêj kirin
Çav ji xewa bêpar kirin, bêpar kirin
Kul û xema bi hevre kirin, bi hevre kirin
Ta di dilde xwe bi cî kirin, xwe bi cî kirin

Çav û dilêm bûne gunehkar
Her civandin ta kirine bar
Ev derdê pir nayêne jimar
Xwe berdan ser dil wek kurmê dar
Helbest: Hilal Botanî
Muzîk: Mihemed Şêxo

êmê
Ay lê êmê, nazikê, nazdarê, sermezinê
Aqilkêmê beybûna welatê Diyarbekir
Hênikahiya welatêm Mûşê sozdara min î
Vî zemanî rabe êmê
Ay lê êmê bêbavê min go ez bi Yarimtepa şewitî diketim
Minê dî li kutê biya lê mi dî sê zeryê
Mala kalo hat û dimeşiyan
Lê meşa van keçika
Nebû meşa hakima, qeymeqama, yuzbaşiya êmê
Erê dengê van bêbavan
Nebû dengê naqosa, mifrediya
Lê bêna van keçika
Nebû bêhna misk û emberê şûşa kolonya
Bi ser kambaxê gundê me de furiya
Hevalno hogirno le min go bejna êma Hemo
Takrihana devê çemê wezê xeşîm im zaro me nema
Zanim ji kîjan alî de bêmê êma ma
Gotin û Muzîk: Gelêrî

Axîna min
Xwedê çawa gul we re çêkir
Nexşek nema li wê bejnê kir
Wextê çav dî gul bi xemê kir
Herdiwa di dil de hêlîn çêkir

Axîna min tim ji dil tê tim ji dil
Lê min xist merez û kul, xem û kul
Hiner birin ji dest û mil, ji dest û mil
Hisret kirin ji dîtina gul, ji dîtina gul
Helbest: Hilal Botanî
Muzîk: Mihemed Şêxo

Berdilê min
Berdilê min pir şêrîn e
Wek kulîlka bi hilm û bîn e
Dilê min bo wê bi evîn e
Bê te min gazî û qîrîn e

Derdê te weke Xabûr e
Bêbinî û kûr û dûr e
Pêlin gir in ê din hûr in
Limin xistin birîn dûr in
Çi Xabûrek bê devî
Wek geliyê dudevî

Tu ji mir bûye derd û keder
Tu car ji bala min nayê der
Wej’ evîna te nakim der
Tu ji mir’ bûye kul û keser
Hela were şêrînê
Derman bike vê birînê

Piştî herdu çavê belek
Min heznekir hîna kesek
Belkî vegerî li me felek
Herdu dila dîsa bi yek
Miradê me bi cî werê
Eşa dila pê derê

Kengî li mew bê dem û dewran
Vegerê li me rojê ciwan
Bê me cejna herdu filan
Bê me bîna gul û baxan
Miradê me bi cî werê
Eşa dila pê derê
Muzîk : Mihemed Şêxo

Mihemedo ronî
Mihemedo ronî min go, minê çi ji te re got û tu xeyidî
Lê ava gola li min û Mihemedê min cemidî
Giyakê çola li min û Mihemedê min seridî
Lê heke yê neqeba herdu dilê şêrîn xera bike
Lê eger qîz bê tu car nezewicî
Erê eger jin bê tu car newelidî
Lê eger xort bê bi ciwanîka xwe şa nebî
Gotin û Muzîk: Gelêrî

xeribo